Jisálamu 68:12 - O Mikanda Ikola

¹² Jisobha ni ilómbo iâ, a a bhesa lusolo; o ndona ua xedi ku bhata, muene uala mù uana kiá imbamba ióbhunde.

Jisálamu 68:12 ပူးပေါင်းရင်းမြစ်များ

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Dialuilu 31:27

imbamba ióbhunde-phe mu i uana mbandu jiiadi: mbandu iii ia makuenze a ita, ele mu kúlua, mbandu iii ia kilômbo a xedi bhu kibangu.

Dialuilu 31:54

Mozé ni nganga Eleazale anga a tambula o ulu iú ku jithuame ja jimidi ni jithuame ja jihama, anga a u lunda mu balaka ia kutakanena, mu kukala dixinganekenu dia anʼa Izalaiele bhu pholo ia Jihova.

Josuué 10:16

Maji jisobha jitanuʼojo ja lengele, anga ji suama mu dibânda bhu Makeda.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Dijingunuinu 6:15

Bhenhobho, o jisobha mu ngongo, ni atumini, ni ilôlo ia ita, ni jimvuama, ni mazonda, ni athu oso kia amukuá, abhika ni jifôlo, a suama mu jiṗhudi ni mu jindanji ku milundu.

Afundixi 5:19

Jisobha bhenhobho ji tula mu kubhânga a bhângela bhenhobho, jisobha ja Kanana, a bhángela bhu Taanake, bhu ménha a Mejidu, bhua tundu-phe kubhanduluka kuahi? Ka bhundu-bhu kitadi kia phalata mba ulu.

Afundixi 5:30

Hinu iá uana imbamba ia bhûndu mu ita; diiala dimoxi a mu bha kahatu, mba tuhatu tuiadi, Xixela hinu divunga diê dióteke ku idífua-idífua. Divunga dióteke ku idífua-idífua, ku mizumbu iê a di bolodala. Eme-phe xalemanda, kuia divunga dioteke, kuia dingi kamusanga mba tuiadi, tua kuzuata mu xingu.

I Samuuele 30:24

Nanhi muene u mʼivua o hundu ienu i muala na-iu iii? Mukonda kioso ki tambula iú uele ku ita, kiene ue ki tambula iú ua xedi bhu imbamba. Ene oso a soka mu kuuana.