Jisálamu 68:10 - O Mikanda Ikola

¹⁰ Kilunga kié ua a tungisa momo; eie Ngana Nzambi, ku mbote ié u mukua kudikila o jingadiama.

Jisálamu 68:10 ပူးပေါင်းရင်းမြစ်များ

I Jisobha 8:36

eie-phe ku mauluʼoko ivua, phala u loloke o kituxi kia abhikʼé ni kia kifuxi kia Izalaiele, ni ku a longesa o njila iambote, mua fuama o kuendela, nda u bhane mvula mu ixi ié i ua bhana o kifuxi kié mu undundu.

Jisálamu 65:10

U bhitisa menha mu jimbondongolo jê, u sokelesa kiambote o mibhanga; u i ombamesa ni mvula ni isanga, ni dibesá dié, i kuata kusabhuka.

Jisálamu 65:11

Muvu ua u te kitundu kia jimbote jé, mu njila mu ua bhitila u sonona ima ianete.

Jisálamu 65:9

Ixi u i zungila, u i tekela; u sueka jimbongo javulu mu mavu, mukonda dia ngiji ia Nzambi iezala menha; athu u a dikila ni masa, ki u zubha kukalakala ku mábhia.

Jisálamu 74:19

Kana kubhakula o muenhu ua diembe dié dia kinjimbe ku iama ia hame; o muenhu ua anʼé a a tatesa, kana ku u jimbilà-ku kiá.

Jisálamu 78:20

Iala-ze! ndanji ua i bulu, hé mu fuafua o menha, a kala muene mu kunguluka jingiji; o kuila u tena ue kubhana mbolo? O mundu uê na a sotela xitu?

Izaía 40:29

Muene ubhana huiii kua ió uazôndo, o ua kambe nguzu u mu bhana kusuína kuia ni ku di bandekeza.

Dialuilu 16:3

Anga a di bhongolola mu kuzoka ni Mozé ni Alá, hé a a tangela, exi: O kiki ue kia vulu kiá, kuma o kilômbo kioso kia Ngana, o ene oso athu a Ngana, o Jihova uala muʼaxaxe kâ; enu-phe mua di zangelekelaʼhi ku kionge kiangene kia Jihova?

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Luka 1:53

Uezalesa akua nzala ni jimbote, o jimvuama ua ji kaie ni maku mòkukutu.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.