Jisálamu 65:5 - O Mikanda Ikola

⁵ Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 65:5 ပူးပေါင်းရင်းမြစ်များ

Jisálamu 107:23

Oso ene mu kutuka muʼalunga mu jinaviiu, hé a tela o mauenji ku musanza ua kulu ua menha;

Jisálamu 145:17

Jihova mukua kidi mu njila jê joso, muene ukôla mu ikalakalu iê ioso.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 36:9

Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Jisálamu 84:5

Ua lungu muthu ió nguzu iê ia mu kala ko kué; uala ni muẋima ua ungenji mu kikoka kia Ziione.

Jisálamu 85:4

Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 60:5

Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Ajeu 2:23

Nzambi ia Ifuẋi uixi: Mu kizuuʼokio nga kà ku tambula eie Zolobabele, monʼa Selatiiele, selevende iami, hé nga kà ku bhanga mukuâ ni nela ia kutela idimbu, mukonda nga ku solo, eme ngi Jihova dia Ifuẋi.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 10:21

Muene o kijingo kienu, muene Nzambi ienu! iu ua mi bhange ima ionéne ia isunji ioso iii i mua di muena ni mesu menu.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Dijingunuinu 16:5

Anga ngʼivua anju ia bhana kutumina o menha, uixi: Eie, Ngana, uenié, eie ua kexile-ku, eie Uaiuka, Ukôla, mukonda dia kiki ki ua batulʼiki!