Jisálamu 65:4 - O Mikanda Ikola

⁴ U zediua muthu uoso eie ua mu solo, anga u mu bhiẋidisa kokué, phala nʼa tunge mu kithâdi kié; mbé tu ikute jinge ni jimboteʼojo ja dibhata dié, ja Tembulu ié ikôla.

Jisálamu 65:4 ပူးပေါင်းရင်းမြစ်များ

II Malunda 6:39

ivua-phe, tata, o musambu uâ ni makudionda mâ, tundé ku maúlu, ku kididi kia dibhata dié, u bhange kioso kia fuama; nda u loloke, Ngana, o kifuẋi kié kioso kia te o kituxi kokué.

Jisálamu 135:4

Mukonda Jihova ua solo Jakobo, nʼa kale muthu ua kazola kê, o Izalaiele uene o muiji ua undûndu uê uangene.

Jisálamu 15:1

Jihova, nanhi u nanga mu balaka ié? nanhi u tunga ku mulundu ué uangene?

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 23:6

Kidi muene, o mbote ni henda i kala mu ku ngi kaiela, izuua ioso ia muenhu uami; ngà kala ni kukondama mʼonzo ia Jihova, mu izuua ni izuua sé dizubhilu.

Jisálamu 24:7

Zangukenu mítue mu mabhitu a kimbaka, o mielu iê iókulu-kulu i jikuke, muenexi uavu o kijingo phala a bokone.

Jisálamu 33:12

Ixi ioio i zediua, avu Jihova kuma Nzambi iâ; ni mundu uoso ua solo muene, kuma undundu uê.

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Jisálamu 38:5

Jifidila jami ja nuha, ja bolo muene, mukonda dia uoua u nga bhange.

Jisálamu 4:3

Ijiienu-kiu kuma Jihova, mukua uoma uê u mu tungula, hé u mu tambula konda; Jihova u ngʼivua, kioso ki ngi dikola kua muene.

Jisálamu 63:5

Muẋima uami u ikuta jinga kala ngadi xitu ianete ni uôngo; dikanu diami di ku ximana ni mizumbu ia ngalasa,

Jisálamu 84:4

A lungu-â oso a tungu mʼonzo ié; a kala jinga mu ku ximana sé kuzumbuka. (Selah.)

Jelemiia 31:25

Mukonda o muenhu ua iokojoka nga uʼikutisa, o mienhu ioso iala ni malamba nga i disa í iekuta.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.