Jisálamu 65:11 - O Mikanda Ikola

¹¹ Muvu ua u te kitundu kia jimbote jé, mu njila mu ua bhitila u sonona ima ianete.

Jisálamu 65:11 ပူးပေါင်းရင်းမြစ်များ

Jobe 36:28

Iene i lunduluka ku matuta, hé i buabumuka nzungule ia menha ku thandu dia muthu.

Jobe 5:10

Muene u nokesa o mvula mu ngongo anga u tumikisa o menha mu mikáu.

Jisálamu 103:4

u kula muenhu ué mu diela; hé u ku zuika kiadi ni henda kala kitundu.

Jisálamu 104:13

Ku jinzo jê ja thandu, kuene ku sonoka menha ku milundu; phala mu ngongo muizale ibundu ia tundu mu kukalakala kué.

Jisálamu 104:3

O mixi ia inzo ié ia thandu, ua i tula mu menha; o matuta dikalu dié; uendela ku mabhabha ma kitembu.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Jisálamu 5:12

Kuma eie, Ngana, u mukua kubhanga mbote kua ió uoso uaiuka; jihenda jé, u Jihova, ji kala ngubu ia ku mu xitila.

Jisálamu 68:10

Kilunga kié ua a tungisa momo; eie Ngana Nzambi, ku mbote ié u mukua kudikila o jingadiama.

Jisabhu 14:18

O jisemenhi, hádia a tambula undundu ua kusebuluka; maji o jinjimu-phe, a kà zakela itundu ia kuijiia.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Ajeu 2:19

Phala mu mone mba mu kitula hanji mu kamba jimbutu, mba muvide, ni mufiku, ni mulomela, ni mudiva, iene ioso i kamba kubhana dingi ibundu iê; maji tunde lelu katé ku pholo nga kà mi zudiuisa muene kia nzungule.

Malakiia 3:10

Bhekenu madijimu moso mʼonzo iami ia dilundilu, mʼonzo iami mu kale mákudia; o ki mu zubha ku ki bhanga, ngi lodienu kiá, eme ngi Jihova dia Ilombo Ieta, se ngi kamba ku mi jikuila jinjanena ja diulu, ni ku mi lunduluila dibesá, di mi soka anga di subhuka, di bhinga ki di kala ni nzôngo iê mu ku mi bhekela jimbote.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Matendelelu 11:12

Oxi iii Jihova Nzambi ienu muene ua i tambula konda; mesu ma Jihova Nzambi ienu mene ku i kengelela mu thembu joso; tundé bhuandekela o muvu katé bhu ubhuila.