Jisálamu 64:4 - O Mikanda Ikola

⁴ A batamena mukuá ua kambe o kikuma; mukuetu, u tukumuka a mu ase kiá, ni uoma ngó kala na-u.

Jisálamu 64:4 ပူးပေါင်းရင်းမြစ်များ

II Samuuele 15:14

Davidi anga u ambela akua mbèle iê ni ene oso aia-nê kumoxi mu Jeluzaleme, uixi: Ndokuenu, tu lengienu! Mukonda se tu kamba ku ki bhanga, ki bhuala u bhuluka kua Abisalone. Endelenu-ku! Sulukenu, imoxi uiza kindala, mbanza ioso hé u i beta ku mazu a xibhata.

Nehemiia 4:11

Kuala-phe o jinguma jetu, exi: Ene ka kʼijiia, ka-ndu tena ue ku ki mona, a tukumuka-phe tua bokona kiá muʼaxaxi kâ, anga tu a jibha enhoso, kienhiki kimbaka a lémbua ku ki tunga.

Jisálamu 11:2

Ku ki mono? kisueia-ze ua zenga kiá o uta ua mufula, ua iudika kiá musongo, ua u te kiá ku ngoji phala muthu ua iuka muẋima a mu ase mu usuku.

Jisálamu 55:19

Nzambi-phe u ngʼivua, hé u a katula o mahanha, muene ua xikama tunde okulu bhu kiandu kiê; (Selah.) akua-hi muene a kala kiki, ka xikina kudiela, ka moneka ngó uoma ua Nzambi?

Jisálamu 55:22

Se uevu kimbamba kia ku xina, iza na-kiu kua Jihova, muene u ku sokesa na-kiu; kuma muene kana kizuua ki ehela muthu uaiuka ku mu bhondeleka sé mbambe.

Jisálamu 57:5

Zangalala, Ngana Nzambi, ku thandu dia maúlu; o fuma ié i tunde, o fuma ioso mu ngongo.

Jisálamu 64:7

Nzambi phe hinu u a asa ene; hinu a tukumuka musongo uê ua a kuata kiá!

Habakuke 3:14

Mazonda mê ma ita, eie ua a ṗhuangununa o mútue ni makoue ma ene muene; ene a di lukuila kokuami mukuâ ni kitembu kia vulu phala ku ngi muanga; a sangulukile mudiâ kala ala mu sota kuminha o ngadiama, mu kasuekele.

Nzuá 19:6

Kioso makota ma jinganga ni jipudixa kia mono Jezú, a di kola, exi: Ku dikulusu-nê! Ku dikulusu-nê! Pilatu uixi: Mu tambudienu, enu-enu mu mu te ku dikulusu, mukonda eme ki ngi mu mono ni kituxi.

I Samuuele 18:11

Saúlo anga u zenga o sosa iê, hé u i takula kua Davidi kuma uambe, uixi: Davidi ngi mu kuba dionga, ngi mu phaphela ku mutôto. Davidi anga sosa u iebha luiadi, u tunda bhu pholo iê.

I Samuuele 19:10

Saúlo anga u sota kukuba Davidi nʼa mu batele ku mutôto ni sosa. Saúlo kia takula o sosa, muene-phe ua i ebha, anga u tunda ni lusolo bhu pholo ia Saúlo, o sosa anga i kuata mu mutôto, Davidi anga u lenga, ua bhulaka usuku uenhó.