Jisálamu 63:8 - O Mikanda Ikola

⁸ Muẋima uami ua ku nhenganana muene; o lukuaku lué lua dilu, luene lua ngi fikidila.

Jisálamu 63:8 ပူးပေါင်းရင်းမြစ်များ

II Malunda 31:21

O mu ima ioso i andeka kubhanga, ku kikalakalu kia inzu ia Nzambi, ni mu kitumu, ni ku ijila, phala kusota Nzambi iê, ua ki bhange muene ni muẋima ua muvuimba, anga u kala ni kuzediua.

Jisálamu 18:35

Ua ngi bhana ue o ngubu ia ubhulukilu ué; ngʼemana mukonda lukuaku lué lua ngi kuata; o ku dʼivua ni eie kuene kua ngi bhana kijingo.

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisálamu 41:12

Eme-phe bhabha, ua ngi bhana o kulaia, mukonda ua ngi mono o kulúnga kuami, eie ua ngi bhana o kuimana bhu pholo ié, katé ku hádia ni hádia.

Jisálamu 73:23

Suke kiene, hanji-phe izuua ioso ngi kala jingʼami nʼeie; mbata eie ua ngi kuata mu lukuaku lua kadilu.

Jisálamu 73:25

Ku diulu nanhi dingi ua ngi kala-ku, oko eie ngó? o mu ngongo ue kana-mu dingi nga mu indi, u ku tunda eie Ngana!

Jisálamu 94:18

Nga ki ambele kiá, ngixi: Eme nga ẋangumukʼó; eie-phe u Jihova, mu henda ié, ua ngi kambuila, ki nga di bhale.

Mukumbi ua Mikumbi 2:6

Lukuaku lué, lua kiasu, lu nhohene kuthandu dia mútue uami; o lué, lua dilu, lu ngi kondoloke.

Mukumbi ua Mikumbi 3:2

Nga balumuka-phe, anga ngi kuata kunhunga mu mbonge; ni mu nzunga ni bhu itanda, nga kuata kusota ió uoso a mu zola kuala o muenhu uami; nga mu sota muene, maji ki ngi mu mono.

Izaía 26:9

Mʼusuku uenhú, nga ku-indi mu muenhu uami; ni nzumbi ia ngi kala moxi, nga-nda ku dimeneka ku ku sota; kuma matetuluilu mé nʼa kala mu ngongo, akua-xi kulu dia mundu a di-longa o kidi.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Luka 13:24

Bangamenenu o kubokuena bhu muelu ua phophama. Mukonda ngi mi ambela, sai-ku avulu a kà sota kubokona, maji a kà ki lémbua.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.