Jisálamu 63:6 - O Mikanda Ikola

⁶ Kioso ki ngi ku ta muẋima, bhu hama iami bhu nga zeka ngi kala mu ku ku xinganeka, ki ngi tona mu ithangana ia usuku.

Jisálamu 63:6 ပူးပေါင်းရင်းမြစ်များ

Jobe 36:16

Kienhiki eie ue, ua mu sota ku ku katula bhu dikelengu dia mukondo phala ku ku bheka bhu kididi kia zanze, bhua kambe kima ki ku phopheka, o mákudia ku meza mé anga a kʼèzala ni maji.

Jisálamu 104:33

Kioso ki ngala kulaia, ngenda ni kuimbila Jihova; ngi ximana Nzambi iami, katé bhua kà suka muenhu uami.

Jisálamu 119:55

Dijina dié, u Jihova, ngi di xinganeka muene ni mu usuku, o ngonge ié nga i te ku muẋima.

Jisálamu 149:5

Akua kikutu kiê a di te nzabala; embe ni ngalasa bhu jihama jâ bhua zeka.

Jisálamu 42:8

Suke kiene, maji Jihova-phe kà kamba kutuma o kulenduka kuê mu muanha; o mu usuku ngi kala jinga ni muimbu uê, u kala musambu ua kubheza Nzambi ia muenhu uami.

Mukumbi ua Mikumbi 5:2

Eme ngele ku kilu maji muẋima uami moxi ua tonoʼê. Ngividila dízui dia kazola kami ua mu ṗhuṗha, uixi: Ngi jikuile, ngi jikuile phangʼiami ia muhatu, ngi jikuile kazola kami! Phomba iami! Nzela diami! Mukonda mútue ua ngʼizala ni dimume, jindemba ja ngʼizala ni mabêbe a mbundu ia usuku.

Jelemiia 31:14

Anga ngà kʼekutisa muenhu ua jinganga ni ima ia nete, o mundu uami, mbote jami ja-nda kua kà a kuma muene, Jihova ua ki tange.

Kuditenda 2:19

Balumuka, udikole muene mʼusuku, bhu diandekelu dia ilangidilu: Lundulula o muẋima ué kala menha bhu pholo ia Jihova Leka maku mé kua muene, u diondele o muenhu ua tuana tué; a kuata kuambukila ngó mu jiphambu-a-njila ja jinzunga joso, kingumba o nzala!