Jisálamu 63:1 - O Mikanda Ikola

¹ Ngana Nzambi, tata, eie u Nzambi iami; eme ngi di meneka muene mu ku ku sota; muẋima uami ua ku kala ni dinhota; oʼxitu jami ja ku kala ni hânji iavulu, mu ixi iakukuta, iabhuila, iedi ni iene thokon! mua bhingi ki mu moneka menha.

Jisálamu 63:1 ပူးပေါင်းရင်းမြစ်များ

II Samuuele 15:28

Talesa, eme nga kà tula hanhi hé ngi suama mu nganga bhu tabhu dia njila ia kikangalakata nga kà kinga njimbu i tunda kokuenu, i ngʼijidisa kioso kiala kuenda o ima.

I Malunda 16:14

Jihova, muene. Nzambi ietu; mu ngongo ioso muezala ni mabatuilu mê.

Jobe 8:5

Maji eie se u di meneka mu ku sota Nzambi, anga u dionda o henda kua Muteni-a-Ioso,

Jisálamu 118:28

Eie-eie u Nzambi iami, eme ngi ku sakidila jinga muene; eie-eie u Nzambi iami, eme ngi ku jîngisa jinga.

Jisálamu 119:81

Muenhu uami ua senduka ni ku kinga o ubhulukilu ué, maji kizuelu kié nga ki dielela.

Jisálamu 143:10

Ngi longe kubhanga o vondadi ié, kuma eie-muène u Nzambi iami; o Nzumbi ié iambote a ngʼendese mu kididi kia sokelela.

Jisálamu 143:6

Ngi sunununa o maku mami ko kué, muenhu uami ua ku kala ni dinhota, kala mʼoxi iakukuta. (Selah.)

Jisálamu 31:14

Maji eme-phe, nga dielela ko kué, u Jihova, ngixi: Eie, eie u Nzambi iami.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 5:3

Kukia ngó, eie u Jihova, u ivua o dízui diami; mu kimene munhá ngi bhana musambu uami kó kué, hé ngi kala mu ku ku xibhidila.

Jisálamu 78:34

Muene uila u a jibha, ene kiene kiua kia mu kenga; a diela hé a vutuka ni kusota Nzambi makidikidi.

Jisálamu 84:2

Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,

Jisálamu 91:2

ua kéla kuma: Jihova dilengelu, kimbaka; Nzambi iami, nga dielela kua muene.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Makatukilu 17:3

O mundu-phe bhenhobho dinhota dia a kuata; mundu anga a longolola Mozé, exi: Phala-hi ua tu katula mu Ijitu; phala ku tu jibha ni dinhota, etu ni anʼetu ni ibaku ietu?

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Mukumbi ua Mikumbi 5:8

Nga mi lokela enu mu anʼa ilumba ia Jeluzaleme, kuila: Se kazola kami mua mu sange, mu tangedienu muexi: Eme nga kate ni jihenda!

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 35:7

O ixi ia kukuta ia kà di-bhanga izanga ia menha, o mikáu ia thothuena muiza majiia a fuáfua menha; o mu ididi muoso mua tungile o mabheku, mua kà sabhuka iangu ni madianga, ni jimbamba.

Izaía 41:18

Nga kà jikula jingiji mu ididi ia di-leka, ni jifiẋi mu makôlo; o kikangalakata nga kà ki bilula majiia ma menha, o ixi ia kukuta nga kà i bhanga jithu ja menha.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Hozeia 5:15

Anga ngi katuka, hé ngi vutuka ku bhata diami, katé kia-nda kumona kuila a zange, anga a sota o pholo iami; mu kuila a bhondalala kiá, a-nda kudimeneka ku ngi sota.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Matesu 12:43

O nzumbi iabôlo-phe ki i tunda moxi dia muthu, i bhita mu ididi iakukuta ni kusota dinhohenu, maji ka di mono.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Nzuá 7:37

Kizuua kia kuzumbuka, o kizuua dia dikota kia fesa, kizuua kienhókio Jezú uemana, anga u di kola, uixi: Se muthu uala ni dinhota, eze ko-kuami, nda anue.

I Samuuele 22:5

Polofeta Ngadi anga uambela Davidi, uixi: Kana kukala kunu mu mutôlo, tunda-mu uie kʼoxi ia Juda; kienʼokio Davidi u tunda uiza u kala mu muxitu ua Helate.