Jisálamu 62:5 - O Mikanda Ikola

⁵ Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisálamu 62:5 ပူးပေါင်းရင်းမြစ်များ

Jisálamu 104:1

Tanesa, Jihova, muẋima uami, Jihova, Nzambi iami, eie ua di jingisa kiavulu; ua zuata ujitu ni ungana.

Jisálamu 104:35

Akua ituxi ende ni kubhua-mu mu ngongo, a bhukumuka a jime o mbutu. Tanesa, Jihova, muẋima uami! Haleluia!

Jisálamu 146:1

Ximanenu Jihova! Eie ue u muenhu uami moxi, ximana Jihova!

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 39:7

Ki ngalʼiki-phe, Ngana, tata, nga kinga-hi dingi? Nga dielela ngó ko kué.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 43:5

Ua bhuidila-hi muẋima uami? Ua zôndela-hi moxi diami? Dielela kua Nzambi, kuma hinu ngi mu ximana dingi. Mbata muene o kusangumuka kua pholo iami, muene Nzambi iami.

Jisálamu 71:5

Kuma eie-muène u kidielelu kiami, Ngana Nzambi; eie-muène nga ku te o muẋima, tunde mu undenge.

Jelemiia 17:17

Ku ngi diuanese; eie u dilengelu diami bhu kizuua kia divuua.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Jelemiia 9:8

O dimi diâ mukuá ni musongo a uasela kujibha; a zuela ni kádia; kia zuela ni mukuá dikanu diê di tanga ima ia uembu, maji o moxi dia muẋima uê-phe ua mu olekela mibhetu.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.