Jisálamu 62:10 - O Mikanda Ikola

¹⁰ Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisálamu 62:10 ပူးပေါင်းရင်းမြစ်များ

Jobe 20:19

Mbata ua tatesa jinga athu, o jingadiama ua jʼehelela, iú ua nhana jinzu ki muene ua ji tungu.

Jobe 20:29

Didi, ku mbandu ia Nzambi, diene o dikànda dia muthu ua ibha; iú uene o undundu ua mu bhakela kuala Nzambi.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 4:3

Ijiienu-kiu kuma Jihova, mukua uoma uê u mu tungula, hé u mu tambula konda; Jihova u ngʼivua, kioso ki ngi dikola kua muene.

Jisálamu 49:6

Ió oso a dielela umonhi uâ, a di fiiala o kuvula jinbongo jâ.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Jisabhu 23:5

Kifua mesu mé ma jijila kutalesa ima ia kingoho? jimbongo-ze jene ni mabhabha, jituka kala holokoko anga ji di leka bhulu.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 30:12

Mukonda dia kienhiki Dilemba dia Izalaiele uambe kiki: O ki muedi kizuelu kiki mua di tunu-kiu, enu mua dielela o ungumba ni phulu, enu kuenhuku kuene kiá ngó ku mua xamenena.

Izaía 40:15

Ku pholo iê, o ifuẋi ioso, mukuâ ni dibêbe di láuka ku mbi-nda ia menha; mba mukuâ ni mvindu ia di-kuua-kuua bhu longa dia pezo; talesa-phe, o ikolo u i kuua mu ididi iê, mukuâ ni fufutila iò takule.

Izaía 40:17

O ifuẋi ioso bhu pholo iê ki kima; o muene athu ua a kita kingoho.

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Jelemiia 13:25

Jihova uambe: Ioso nzongo i nga-nda ku ku zongela eme, diene o dikanda dié; oko ua ngi jimbi eme, eie ua dielela ku makutu.

Jelemiia 17:11

Mukua ni nguadi uongeka maiaki, sè ku ma langela; kiene ue ki kala o muthu u bhongolola jimbongo, ja tambula ngó kioso-kioso; o kia bhixila mu kaxi ka izuua iê u ji xa, o ku dizubhilu diê u kituka kioua.

Marku 10:23

Jezú-phe, sui dingi ku jixibulu je ja mu kondoloka, uixi: Kubhonza kuahi, akua itadi o kubokona mu Utuminu na Nzambi!

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.