Jisálamu 62:1 - O Mikanda Ikola

¹ Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 62:1 ပူးပေါင်းရင်းမြစ်များ

I Malunda 25:1

Davidi, kumoxi ni jikabhitangu ja ilômbo ia ita, uatungula o ana a Azafe, phala o ukunji uenhú ni ana a Hemane ni a Jedutunu, phala kuzambuila mu upolofeta ua kuxika jimbânza, ni tukoxi, ni ísanji, ni tungoma. O mala enhá adilongo kiambote phala o kikalakalu kia ukunji uâ, o dialuilu diâ dienhidi:

I Malunda 25:3

O kua Jedutunu, akexile ana a Jedutunu, enhá: Jedaliia, ni Nzedi, ni Jesaia, ni Hasabiia, ni Matitiia, ni Ximei, kisamanu, o Jedutunu phaiʻâ muene ua a kala ku pholo, phala kuxika kambanza, o muene kia kaia mu kuxika, u zambula mu upolofeta ni kuximana, ni kusakidila Jihova!

Jisálamu 121:2

Kubhanduluka kuami ku tunda kua Jihova, Ua bhanga o diulu ni ixi.

Jisálamu 123:2

Mukuâ ni mesu a mubhika kia tala ku lukuaku lua muadiʼê ni mesu a kahatu kia tonginina ku lukuaku lua ndona ua mu vu, kiene ue kia lungu o mesu metu kua Jihova, Nzambi ietu, katé kia tu kuatela henda.

Jisálamu 25:5

Ngʼendese, u mukua kukumbidila o kidi; ngi longe, u Nzambi iami ia kibhamuenhu; kumbi dioso dia kambamba ngi kinga kokué.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 33:20

Etu, ki tualʼiki, tu kinga kua Jihova; muene dikuatekesu dietu, muene dixitilu dietu.

Jisálamu 37:39

O kubhuluka-phe kua akua kidi, ku tunda kua Jihova; kuma muene kimbaka kiâ mu thembu ia jiphaxi.

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisálamu 39:1

Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisálamu 40:1

Jihova nga mu kinga ni kienhenge; muene ua ngi bhetamena, ua ngʼivu o kudikola kuami.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 65:1

Jiphèmbele ja ku xikamena mu Ziione, Ngana Nzambi; jipolomesa ji tokala a ji kumbidila ko kué.

Jisálamu 77:1

Meia! u Nzambi, nga dikola! Nga suína o dízui diami, Nzambi phala a ngʼivue.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Jelemiia 3:23

Kia kidi kiene, kingoho o kudielela o tuthuthulundu ni ku nzungule ia i-milundu; kuma o kubhuluka kua Izalaiele kuala mua Jihova Nzambi ietu.

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Kuditenda 3:38

Mu kanu dia Ió ua Suka-ku, manhi ki muene mu tunda o divuua ni mbote?

Tiiaku 5:7

Kala kiki, kuatenu-phe kinhenge, enu jiphange, katé bhua kèjiia Ngana. Talesenu kidimakaji kioso kia kinga ibundu iambote i tunda mu mavu. Muène u i kuatela kinhenge, katé ki i nokena mvula ia kudinji ni ia kasamanu.