Jisálamu 60:7 - O Mikanda Ikola

⁷ Ngileiade uami eme, Manasa ue uami; Ifalaíme kijinga kiami kia mútue; o Juda muene mbasá iami ià ungana.

Jisálamu 60:7 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

I Malunda 12:19

Amoxi-mu ku akua Manasa a bhiti ue kua Davidi, kioso Davidi kieza kumoxi ni akua Fidíxia mu kúlua ita, ia kukitukila Saúlu. Sumbala kiene, maji ene ka kuatekesa dingi akua Fidíxia, mukonda o ilamba ia jifidíxa, mu kuta kikutu a mu vutulʼé, kuma edi, exi: Kia-ndo kala kiluezu kia kuila etu udianga ku tu batula o mítue ietu, muene hé ua kà bhitʼê kua ngana iê Saúlu.

I Malunda 12:37

O ku mbandu ia sámbua dia Njoloda, ku akua Lubene ni akua Ngade, ni kaxaxe ka muiji ua Manasa, ni imbolongondo ioso ia ita, phala kúlua na-iu adibhongolola hama ni makuinhi aiadi a midi ia muthu.

Jisálamu 108:7

Nzambi ua zuela mu kuzela kuê kukola; eme-phe ngi tana-ku! o ixi ia Xikeme ngi i uana, mukáu ua Sukote ngi u ta jimbambe,

Matendelelu 33:17

Muene akale ni uzonda kala ua ngalote ia ngombe iê ia phande-kumbi. O jimbinga jê jile kala kaluimba. Jene ja-nda ku kuama na-ju bhuamoxi o ifuẋi katé ku jimbambe jaʼxi. Enhá ene o kuinhi dia midi ja Ifalaíme, ene o jimidi ja Manasa.

Josuué 13:31

ni kaxaxi ka Ngiliiade, ni Jitalote, ni Dilei, o jisanzala ja utuminu ua Hoke, mu Basane, a ji bhana phala anʼa Makidi, monʼa Manasa, kifua-phe uene o ubhinganu ua kaxaxi ka anʼa Makidi, ku majiku mâ moso.

Josuué 17:1

Mu kuta jihasa kiki, kua tubhuka kiua ia muiji ua Manasa, mbata muene o phande-kumbi ia Zuze. Makidi, phande-kumbi ia Manasa, muene tatʼa Ngiliiade, kuma uakexe dizonda dia ita, iu ua tambula Ngiliiade ni Basane.

I Samuuele 28:2

Davidi anga u ambela Akiji, uixi: Ua-ndu ngi mona kioso ki ngi bhânga, ngi mubhikʼé. Akiji anga u ambela Davidi, uixi: Kiene ki nga ku solela phala u kale izuua ioso u dikuenze diami dia ku ngʼinga mútue.