Jisálamu 60:12 - O Mikanda Ikola

¹² Mu nguzu ia Nzambi tu bhanga muene undanda; kuma muene u titidila o jinguma jetu bhoxi.

Jisálamu 60:12 ပူးပေါင်းရင်းမြစ်များ

II Samuuele 10:12

Tu kodienu maku ni mixima, tu bhange undanda mu bhângela o mundu uetu ni mabhata ma Nzambi ietu; o Jihova a tu bhange kioso muene kia mu uabhela ku mesu mê.

I Malunda 19:13

Eie-phe suina, etuonhoso tu suine ue, mbé tu bhangele o mundu uetu, ni mabhata a Nzambi ietu, Jihova, phala muene a bhange kioso ki mu uabhela ku mesu mê.

Jisálamu 118:16

Lukuaku lua Jihova lua di leka, lukuaku lua Jihova lua bhange undanda!

Jisálamu 144:1

A tane-ku! Jihova ditadi diami! kuma ua longo maku ami o kubhânga, ni milembu iami kúlua ita;

Jisálamu 44:10

Ua-lu tu bhesa lusolo, bhu pholo ia jinguma jetu; ió a tu zembe, ene a mu tu bhûnda, a tu bomona muene, o jimbote jetu joso a tu bu-ju.

Jisálamu 44:5

Mu nguzu ié tu lundumuna oso a tu zembe; mu dijina dié tu a titidila muene bhoxi oso a tu balukila.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 63:3

Ditangi nga di kame muene ubheka uami, ku akua jixi né ngó umoxi ua ngi bande; nga a diota ni njinda, nga a titidila mu kutema kuami; manhinga mâ ma manukina ku izuatu iami, izuatu iami iezala mabhaka.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

Malakiia 4:3

Akua ituxi mua kà a diota-diota, mbata a kà di bhanga kala utôkua koxi dia inama ienu, mu kizuua kienhókio ki nga-nda kua kà bhanga; eme ngi Jihova dia Ilombo Ieta.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 14:12

Kiki-phe, ngi bhane o mulundu iú, uene ua tange Ngana kizuua kienhókio; eie uèvua kizuua kienhókio kia ki tànga, exi: Kuala iiala ia nguzu, anʼa Anake, o jimbonge jâ ja makota, ja bhiti imbaka; imoxi, kuma Jihova ngala-nê bhu mbandu iami, ngi tena ku a kaia, kala kia tànga Jihova.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.