Jisálamu 60:10 - O Mikanda Ikola

¹⁰ Kifua kʼeie muène, ua tu ambudisa, Ngana Nzambi? Kʼeie-muène Ngana Nzambi, ua mu fula kiá kubheka o ifuẋi ietu ku ita?

Jisálamu 60:10 ပူးပေါင်းရင်းမြစ်များ

II Samuuele 8:2

Anga u beta akua Mouabhe ni ku a zonga ni mukolo; u a zekesa bhoxi, anga u zonga mikolo iiadi ia ku jibha, mukolo umoxi ua ku a xisa ni muenhu. Akua Mouabhe anga a kala mu bhikila Davidi, enda ni ku mu bhakuila madijimu.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

Jisálamu 108:11

Manhi kʼEie-muène, u Nzambi, ua tu ambudisa? Eie, Ngana Nzambi, manhi ufula kiá kubheka o ifuẋi ietu ku ita?

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Jisálamu 60:1

Ngana Nzambi, eie ua tu ambudisa, ua tu muange; eie ua tu luualela, tua diondo tu kudile!

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Matendelelu 1:42

Jihova phe kienhókio ua ngʼambela, uixi: A tangele: Kana kubanda. Ki mu di metene kúlua, mbata Eme ki ngala muʼaxaxi kenu; muavula kukuamiua, bhu pholo ia jinguma jenu.

Matendelelu 20:4

Mbata o Jihova Nzambi ienu muene uala kuia nʼenu mu kúlua ita ni jinguma jenu, phala ku mi bhulula.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 7:12

Kiene kia lembuela anʼa Izalaiele kuimana bhu pholo ia jinguma jâ; a bhana makunda ku jinguma ni kulenga, mukonda ala ni mázui. Hé mu kamba kutubhula kimʼokio kiokidike muʼaxaxi kenu, eme ki ngi kala dingi kumoxi ni enu.