Jisálamu 60:1 - O Mikanda Ikola

¹ Ngana Nzambi, eie ua tu ambudisa, ua tu muange; eie ua tu luualela, tua diondo tu kudile!

Jisálamu 60:1 ပူးပေါင်းရင်းမြစ်များ

II Samuuele 10:16

Hadadezele anga u tuma kukasa akua Sídia ku sámbua dia Ngiji, anga eza bhu Helamu; ni Sobaki kabhitangu ka kifuxi kia Hadadezele, muene ua a kalela ku pholo,

II Samuuele 5:20

Davidi anga uiza bhu Bahalepelazimi anga u a betela bhenhobho; anga u zuela, uamba, uixi: Jihova ua muanganesa jinguma jami kala kixitu kia menha kia baze. Kiene kia lukila-bhu dijina dia Bahale-pelazimi.

II Samuuele 8:14

Anga u ta jipoxto mu Edomo, akua Edomo oso anga a kala mu bhikila Davidi.

II Samuuele 8:3

Davidi anga u beta ue Hadadezele, monʼa Lehobo, sobha ia Zoba, kia sotele kusambukisa utuminu uê katé ku ngiji ia Eufalate.

II Jisobha 14:7

Muenʼiú ua jibha kuinhi dia midi ia akua Idomo, mu Dikôlo dia Môngua, o mu ita anga u tambula Sela, hé u muʼixana uixi Jokotele, katé mu kizuua kia lelu.

I Malunda 18:3

Davidi ue ua jibha Hadale-Ezele, sobha ia Zoba, bhu mbandu ia Hamate, kioso muene kia mu-ia mu kuatesa dingi o ungana ua utuminu uê ku honga ia Eufalate.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 25:11

Amaziia anga u di bhanga kindanda, uendesa kifuẋi kiê, anga aia mu dikôlo dia môngua; hé a jibha kuinhi dia midi ku anʼa Seíle.

Jisálamu 108:11

Manhi kʼEie-muène, u Nzambi, ua tu ambudisa? Eie, Ngana Nzambi, manhi ufula kiá kubheka o ifuẋi ietu ku ita?

Jisálamu 44:9

Maji o kiki-phe eie ua tu ehelela, tua jîngunuka; ilombo ietu kuala ku i bheka dingi mu kuia ku ita.

Jisálamu 59:1

Ngi kudile ku jinguma jami, eie u Nzambi iami! ngi bhake ditala dia di leka, mukonda dia athu ala ku ngi sota.

Jisálamu 59:11

Kana ku a jibha, sumba mundu uami a jimba-ku; enda ni ku a kaia ni kifuxi kié, a kale mu bungajana; eie Ngana u kala u ngubu ietu.

Jisálamu 60:10

Kifua kʼeie muène, ua tu ambudisa, Ngana Nzambi? Kʼeie-muène Ngana Nzambi, ua mu fula kiá kubheka o ifuẋi ietu ku ita?

Jisálamu 74:1

Eie Nzambi, tata, kífua ua tu ẋimbukilà-ku kiá? Njinda ié kífua iia ni kuxikita dixi, i ua kuatela o jimbudi ja makèla mé?

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 79:9

Tu bhandulule, eie u Nzambi ietu ia Kibhamuenhu, mukonda dia fuma ia dijina dié; mu dijina dié tu kudile, o ituxi ietu u i loloke.

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 80:3

Tu bhetule dingi, eie u Nzambi ia ifuẋi; tu idikize o kubenha kua pholo ié, phala tu bhuluke.

Jisálamu 85:4

Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

Jisálamu 89:19

Sai bhu ua zuela mu kisukila ni muthu ua kazola ké, uixi: sai kilolo nga mu tuika o uzonda ua kubhângela; sai dikuenze nga mu tungula mu kaẋi ka mundu.

Jisálamu 89:3

Uixi: Nga te kikutu ni muthu uami nga mu solo, selevende iami Davidi nga mu lokela.

Jisálamu 89:38

Maji eie Ngana ua tu ehelela, ua tu senge, o muthu uê ua mu undu ni maji ua di zangala-nê.

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Jisálamu 90:13

Jihova tata, bhomba o muẋima ué! Mbambe bhebhi bhu u suka, ni kukokoloka kiki? U xinganeke jiselevende jé ku a kuatela henda.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

I Samuuele 13:11

Samuuele anga u zuela, uixi: Eie ua bhange kiebhi? Kuala Saúlo: Mukonda nga mono mundu ua mu ngi muangana, eie-phe ua kambe kuiza mu i izua i ua xindi, o akua Fidíxia-phe ki nga a mono a bhongolokela bhu Mikimaxi,

I Samuuele 4:17

Eli uixi-phe: Kia bhiti kiebhi, monʼami? Uoso ueza kutula njimbu anga u kumbulula, uixi: Kua tema! Izalaiele a a kaie lelu kuala akua Fidíxia; kua bhiti kihaẋi kia dikota ku mundu, o anʼé aiadi Hofini ni Finehase a a jibha, álaka ia Nzambi a i tambula.