Jisálamu 59:16 - O Mikanda Ikola

¹⁶ Eme-phe ngi ku imbila mukonda dia nguzu ié iavulu; ngi suína dízui mu kimene, mu tumbula o kiadi kié ni kusanguluka; kuma eie Ngana u ditala diami dia di leka, u kididi kiami kia kulengela bhu kizuua kia kutata kuami!

Jisálamu 59:16 ပူးပေါင်းရင်းမြစ်များ

II Samuuele 22:3

Nzambi muene ditadi diami, kua muene kuene ku ngi dielela; muene ngubu iami, muene nguzu ia kubhuluka kuami, ditala diami dia di leka kinéne, kididi kiami kiakondama;

Jobe 15:23

Uenda ni kututumba mu kusota kia kúdia, ni kuila, uixi: Kudia kuala kuebhi? Uejiia muene kiambote kuila kizuua kiê kia kuvunda kia mu zukama muene bhu mbanduʼa lukuaku.

Jobe 37:23

Kua Muteni-a-Ioso ki tu tena ku mu bhiẋila; muene ukôla mu kutena kuê, maji-phe, mu kufundisa, o kidi kene mu ku ki lungulula.

Jisálamu 101:1

Ni kulenduka ni kufundisa mu kidi ngi ku ta ku mukumbi; eie-muène u Jihova ngi ku imbila jinga jisálamu.

Jisálamu 106:8

Maji kiene kimoxi, muene ua a bhulula mukonda dia dijina diê, phala o undanda uê a u ijiie;

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 143:8

Ngi bhangese kuivua o kulenduka kué mu kimene, kuma eie-muène nga ku dielela; ngʼidikize o njila ioso i nga tokala kuila, kuma o muenhu uami ua bhetukila ko kué.

Jisálamu 145:11

A kà tumbula o fuma ia ungana ué, a kà ta maka a nguzu ié.

Jisálamu 21:13

Zangalala, Jihova, mu nguzu ié; etu tu kale mu ku ku imbila, ni ku ximana o uzonda ué.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 31:7

Ngi sanguluka, ngi kala ni kutana mu kulenduka kué; kuma eie ua ngi xinganeka mu kubhindama kuami; eie ua ngʼijidila mu jiphaxi mu nga bhiti.

Jisálamu 36:5

O kulenduka kué, u Jihova, kua tuta ku diulu; o kukumbidila kué ku bhixila ku matuta,

Jisálamu 4:1

Ngʼivue kioso ki ngi dikola, u Nzambi iami kuma eie u ngi bhana o kulúnga; Eie ua tena ku ngi bheka bhua disanze, kioso ki nga kexile bhu kíbhidi; ngi lendukile dingi, u ngʼivue o kusamba.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 5:3

Kukia ngó, eie u Jihova, u ivua o dízui diami; mu kimene munhá ngi bhana musambu uami kó kué, hé ngi kala mu ku ku xibhidila.

Jisálamu 77:2

Bhu kizuua kiami kia kubhondalala, nga soto Ngana; mu usuku maku mami ma sununuka kua muene sé ngó kusuka; muenhu uami moxi ki ua xikina kutululuka.

Jisálamu 86:13

Kuma henda ié i ua ngi kuatela iavulu; mbata ua ngi kudila o muenhu uami mu bòmbo dia kalunga.

Jisálamu 88:13

Eme-phe ko kué ku nga dikola, u Jihova; mu kimenemene musambu uami u ku sanga.

Jisálamu 89:1

Ngʼimba jinga jihenda ja Jihova, o ufiiele ué ngi u tanga muene ni dikanu diami, kutunda muiji kuiza muiji.

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Jelemiia 30:7

Ahi Mukonda kizuua kiókio kia kudilá-ku kinéne, katé ki kiala ni mukuá a soko-nê! Thembu iii ia mukondo phala Jakobo; maji-phe ku mukondo uenhó, muene ue a-nda ku mu bhululʼé.

Loma 15:9

Phala ue ki bhangese akua jixi jengi, (ió ki Jijudé) kuximana Nzambi mukonda dia henda iê. Kala ki ambe mu Mikanda Ikôla, exi: Kiene kia kà ngi bhangesa ku ku tumbula mu ʼaxaxe ka akua jixi jengi, ió ki Jijudé, hé nga kʼ embila mu kuximana o dijina dié.

II Kolindo 1:10

Muène iú ua tu kudila ku kalunga kosuʼ oko, hanji ue uanda ku tu kudila. Ni ku pholo muène tua mu dielela ni muẋima uetu uoso o ku tu kudila jinga,

Efezo 3:20

Kiki o Nzambi muenʼió ua soko-bhu kubhanga ioso i tua tena o kubhinga, ni ioso i tua tena o kubanza, nʼa te-ku dingi kiatundu kiavulu, mu nguzu iê i tu kalakala moxi,

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.