Jisálamu 59:15 - O Mikanda Ikola

¹⁵ Ende ni kubungana mu sota kúdia, hé a zeka ngó bhu kanga, mukonda kúdia ka ku mono.

Jisálamu 59:15 ပူးပေါင်းရင်းမြစ်များ

Jobe 15:23

Uenda ni kututumba mu kusota kia kúdia, ni kuila, uixi: Kudia kuala kuebhi? Uejiia muene kiambote kuila kizuua kiê kia kuvunda kia mu zukama muene bhu mbanduʼa lukuaku.

Jisálamu 109:10

Anʼê a kale anhungani a hatu, ende ni, kubhinga jimola; o dibhata diê di kale ngùndu, ene ende ni kunhunganena ku makanga.

Izaía 56:11

Ômbua jenhiji jala jingandixi, ki jene kuikuta; o ene ala abidi ka tongolola kima; ene-oso a vutukila jinjila jâ, kala muthu usuua nganhu iê, kala muthu ku mbandu iê.

Izaía 8:21

Mu ngongo a kà bhita-mu ni hadi ia vulu ia ku a tatesa, ni nzala; o kia-nda ku a bhondeleka o nzala, njinda ia a kuata, o kia tala bhulu, a kà lebhula sobha iâ ni Nzambi iâ.

Kuditenda 5:9

O kutakana ngó kúdia kuetu kututu, ki bhinga tu kala bhu bhulubhulu dia kúfua, kingûmba o xibhata ia tu imanena mu mikáu.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Matendelelu 28:48

Kala kiki, ni nzala, ni dinhota, ni tuẋi, ni kukala u ngadiama ia hatu, ima ioso i ku kamba, inda ua kà bhikila kiá o nguma ni nganga-sèse a-nda ku ku tumikisa-nê kuala Jihova Nzambi ié, muene anga u ku kuzula o kanga ia felu mu xingu, katé kiá ki u jima na-iu o mbutu.