Jisálamu 58:2 - O Mikanda Ikola

² Kana, ku mixima ienu kuala ndunge ja mangonha; mu ngongo maku enu ezalesa-mu ni kusuína ni kubhûnda.

Jisálamu 58:2 ပူးပေါင်းရင်းမြစ်များ

Jisálamu 21:11

Kuma enhó a kanena ku ku bhanga phulu; a funhine ndunge ia ufe, maji a lémbua ku ki bhanga.

Jisálamu 82:1

Nzambi u balumuka hé uimana bhu kionge kiê kikola; muene u fundisa milonga muʼaxaxi ka jinzambi.

Jisálamu 94:20

Manhi o kiiala kia di zangeleka, ki tena ku di bunda kumoxi ni eie? u diodia milonga, maji uixi muene mu ngonge mu nga kuata?

Ndongixi 3:16

Nga mono ue dingi kulu dia mundu kunu, kuila bhu kididi kia kufundisa bhene bhu kididi kia kuhâma dingi; o bhu kididi kia kubatuila milonga, kuhâma dingi kiavulu.

Izaía 10:1

Lamba dia ió oso a bhana jingonge ja mangonha! Lamba dia asoneki akua kusoneka jingonge ja ku talesa athu hadi!

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Malakiia 3:15

O kiki-phe tua mono kuma akua izala a beta kuzediua; ni ió abhukumuka, a beta kutunga ni kumona; xi, ene ela a lokalala Jihova, a laia muene, ki kuizé kima.