Jisálamu 56:13 - O Mikanda Ikola

¹³ Kuma eie ua ngi kula o muenhu uami kuʼalunga; ua fudisa inama iami kuẋangumuka, phala ngiie ni kuenda bhu pholo ia Nzambi mu muanha uazele ua athu a muenhu.

Jisálamu 56:13 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Jobe 33:30

Phala kuzaúla o muenhu uê mu diela, ni ku mu muikina ni mukengeji ua athu ala ku muenhu.

Jisálamu 145:14

Jihova u balumuna oso a di bhale, hé u bhetula oso a zeka bhoxi.

Jisálamu 17:5

Makànda mami ma kuata mu ikoka ié, o inama iami ki i dianguka, kana.

Jisálamu 49:15

Nzambi-phe u ngi tambula o muenhu uami kua kalunga-ka-ngombe, hé u ngi bhongolola kua muene kuoso kuala. (Selah.)

Jisálamu 94:18

Nga ki ambele kiá, ngixi: Eme nga ẋangumukʼó; eie-phe u Jihova, mu henda ié, ua ngi kambuila, ki nga di bhale.

Izaía 2:5

Enu mu dibhata dia Jakobo, zenu; tuendedienu mu mukengeji ua Jihova.

Izaía 38:3

anga uila, uixi: Uà, Jihova, tata! lembalala, nga ku diondo, kuma eme ngʼende muene bhu pholo ié mu kidi, ni muẋima uatenena; nga bhange muene ioso ia fuama ku mesu mé. Ezekiia anga u ẋikujuka kiavulu ni kudila.

Ijila 23:38

Ku ima iii o jisabhalu ja Jihova ja di kalela, o ma-ujitu menu ue ma di kalela, ima ienu ia kufuta o hasa joso ji mua te ia di kalela, o ma-ujitu menu ma ku di fikixila, ma kubhana Jihova, ma di kalela ue.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

II Kolindo 1:10

Muène iú ua tu kudila ku kalunga kosuʼ oko, hanji ue uanda ku tu kudila. Ni ku pholo muène tua mu dielela ni muẋima uetu uoso o ku tu kudila jinga,

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

Jihebeleu 2:15

Phala a kudile ió oso tunde kia a vuala, hanji a xikama mu ubhika ua hele ia kalunga.

Tiiaku 5:20

a tume ku kʼijiia kuma, uoso u bheka dingi mu njila mukua ituxi ua jimbidile njila iê, ua bhulula muenhu ueji kùfua, ua lolokesa nzungule ia ituxi.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.