Jisálamu 55:23 - O Mikanda Ikola

²³ Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisálamu 55:23 ပူးပေါင်းရင်းမြစ်များ

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

Jobe 15:32

Ukumbu uenhú, hádia u kalanga ku mu dia, kuila kizuua kiê kiluua ki bhixila, o luthangu luê ki lua kà sabhuluka dingi.

Jisálamu 112:6

Muthu ió uemana kididi, ka mu lundumuna; u xia dijina, a mu lembalala jinga o kuiuka kuê.

Jisálamu 121:3

Ka ku ehela kinama kié kuẋangumuka; Ió uene mu ku ku langa, kʼàia dingi ku kilu.

Jisálamu 25:2

Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 5:6

Athu oso a tanga makutu; Eie hinu ua-nda kua kà a jima o mbutu; muthu uoso uaiibha ni manhinga, mukua kunganala akuâ, Eie u Jihova, ua ku ibhila muene.

Jisálamu 58:9

A kituke kala minha ia te bhu jiku, jímbia kiluua ngó jivua o munza, muene ua i muanga-muanga kiá ni kitaphephe, ni iauisu ni iauama.

Jisálamu 66:9

Ua tena ku tu bhaka tu athu ku muenhu, iu ua kambe kuehela inama ietu kuẋangumuka.

Jisálamu 73:18

Kidi kiene, kuma eie ua emika ididi iaẋanana; uila u a lundumuna, endelela muene, ni mu bombo dia kalunga, nzaká!

Jisabhu 10:27

Uoma ua Jihova uia ni kubandekeza ku izuua; maji o mivu-phe ia akua phulu a ká i lengululuisa.

Jisabhu 15:11

Se ni ditungilu dia madifundu ni dibuikilu, kiiadi kiâene bhu pholo ia Jihova, kuambe dingi o miẋima ia anʼ athu?

Jisabhu 27:20

Ni kalunga ni dibuikilu, kene kuikuta; ni mesu ma muthu ue kiene, kene kuila: Bhenhabha kuabhu hanji, bhua ngi soko.

Ndongixi 7:17

Ku kale ue u mukua phulu kinéne, mba u dianguka; kuma u filaʼhi ngoho, o thembu ié kiluua i bhixila?

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.