Jisálamu 55:20 - O Mikanda Ikola

²⁰ Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Jisálamu 55:20 ပူးပေါင်းရင်းမြစ်များ

II Samuuele 18:12

Muthu iú anga u ambela Jouabe, uixi: Né ua ngi bhana midi ia itadi ia phalata bhu maku, ki ngeju tena kuzenga lukuaku luami mu kukuama monʼa muenexi. Kuma muenexi ua ku tendelela mu mátui metu, ni eie, ni Abisai, ni Itai, uixi: Alukenu, mudienu ki bhu kale muthu u kuama munzangala Abisalone.

II Samuuele 2:4

Akua Juda anga eza bhenhobho, a unda Davidi mu kala sobha ia muiji uâ ua Juda. Davidi anga a mu kunda, exi: Akua Jabezi-Ngiliiade ene a fûnda Saúlo.

II Samuuele 5:3

Kienhiki adiakimi oso a Izalaiele anga eza kua muenexi bhu Hebolone, muenexi Davidi anga u ta-nâ kikutu bhu Hebolone bhu pholo ia Jihova; Davidi anga a mu unda ku ungana ua Izalaiele.

II Jisobha 17:34

Katé-phe ni mu kizuua kia lelu, hanji a mu bhanga kala o kikexilu kiâ kia dianga; ka moneka uoma ua Jihova; o ioso ia bhanga, ka i bhangela mu mabatuilu ma Jihova, mba mu matendelelu mê, mba mu ngonge iê, mba mu ijila ia Jihova ia tendelela ku anʼa Jakobo, a mu lukile kuala Muene, uixi: Izalaiele.

Jisálamu 109:5

Mu mbote i nga a bhange, ene a ngi vutuila phulu; ua a zolo, ene a mu zembe.

Jisálamu 6:10

Jinguma jami joso a-nda kudiuana, sonhi ja-nda ku a kuata; kindala a-nda kuvutuka ni dima, anga a kotokela ni jisonhi, ka-nda kumona kuoso kua di tela.

Jisálamu 7:4

se ngaii mu lokalala ió ua di xibhê, ki tu di kuata; inda nga bhana muenhu kua uoso ua ngi zembe sé kikuma;

Jisálamu 89:28

Jihenda jami ngi mu bhakela-ju sé kizuua kia kufula.

Jisálamu 89:34

Kikutu kiami ki ngi tena ku ki zanga, mba kuzuela luiadi o kima kia ngi bhiti ku mizumbu iami.

Jisálamu 89:38

Maji eie Ngana ua tu ehelela, ua tu senge, o muthu uê ua mu undu ni maji ua di zangala-nê.

Jisálamu 93:2

Eie Ngana kiandu kiê kia kuata tunde xahulu; tunde dia tunde Eie nuka uà kambele-ku.

Ndongixi 8:2

Eme ngi kuʼambela: O kijila kia sobha aluka-kiu, bhanga kienhókio mukonda dia mulôko u ua lokela Nzambi.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jipoxolo 12:1

Kiki bhu thembu ieneʼ oio, sobha Helode u sununa maku mê mu kutatesa o athu ku Ngeleja.

I Samuuele 22:17

Muenexi anga u ambela Makuenze a mu imanena, uixi: Endelenu-ku, mu jibhe jinganga joso ja Jihova; mukonda a te kikutu kumoxi ni Davidi, a mu ijiia kuma ua lenge, maji ka ngi jimbuila-kiu. Maji akua mbèle ia muenexi-phe ka ẋikina kuzangula lukuaku luâ mu kubalukila jinganga ja Jihova.

I Samuuele 24:10

Talesa, mesu mé a ki mone kuma Jihova ua ku thelekalele lelu bhu lukuaku luami mu dibânda mumu. Amoxi-phe ue a ngi longesele kiá ku ku jibha, maji-phe nga ku lendukila, ngixi: Muadiʼami nguami ku mu zengela o lukuaku luami, kuma muene muthu ua ngene, Jihova muene ua mu undu ku ungana.