Jisálamu 55:10 - O Mikanda Ikola

¹⁰ Usuku ni muanha ala kunhunga-nhunga ku thandu dia kimbaka; dibhata dia tungu kiavulu ungulungumba ni ituxi;

Jisálamu 55:10 ပူးပေါင်းရင်းမြစ်များ

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

Jisálamu 58:3

Mukonda akua kubhuma, a dianguka tunde mu mala; a zubha ngó ku a vuala, njila a i xi kiá a kuata kiá kutanga o makutu.

Jisálamu 59:6

Mu ngoloxi joso eza, enda ni kubuza kala jímbua, a kuata kunhunga muʼnzunga ja sanzala.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Hozeia 7:6

Kuma muẋima uâ a u uamesa kala forno, enda ni ku batamena akuá; o mumbi a jimbolo usuku uoso u zeka kilu kiê; o mu kimene forno ia uama kala mulengu ua túbhia.

Habakuke 1:3

Phalahi u ngi muesa o ufusa ni lusebu, anga u ngi bhangesa kutala ungulungumba? Kuma ku pholo kua ngi xikamena kibuika ni kubhondalala; sai ue a vulumuna jimvunda ni ku kuata kuzoka.

Nzuá 18:28

Ene a tunda ni Jezú kua Kaiafa, hé aia-nê ku Pretório, mu kumbi dia kimene-mene. O Jijudé-phe ka bokona mu Dizemba dia Nguvulu, mukonda a lenge o kuxila, kala kiene o ubhezelu uâ, phala a tene kúdia o jandale ia Phasu.

Nzuá 18:3

Juda-phe ua tambula kiá kibuka kia masoladi ni jipudixa ku makota ma jinganga ni jifalizeu, anga eza bhenhabha ni jikandeia ni jisama ja túbhia ni jixibhata.

Jipoxolo 9:24

Saúlu anga uivua o ndunge iâ. Mukonda ene a kexi mu kulangidila o mielu ioso ia mbonge, ni mu usuku ni mu muanha, phala mu kutunda a mu jibhe.

I Samuuele 19:11

Maji Saúlo u tuma athu kʼonzo ia Davidi, phala ku mu batamena nʼa mu jibhe mu kimene. Mikala-phe, mukaji a Davidi, anga u mu dimuna, uixi: Se u kamba kulenga ni usuku iú nʼu bhulula o muenhu ué, mungu ki kúkia mu kimene, a ku jibha!