Jisálamu 51:3 - O Mikanda Ikola

³ Nga xikina kuma nga ku bhukumukina; mbata, o ikuma iami nga ijiia muene kiambote, o kituxi kiami, izuua ioso, kia ngi vulumuka muene ku mesu.

Jisálamu 51:3 ပူးပေါင်းရင်းမြစ်များ

Nehemiia 9:2

Anga muiji ua anʼa Izalaiele u di sandula mu matumbu oso a kexe muʼaxaxi kâ, hé a dʼimanena, anga mu kudifisala a kuata kuditanga o ituxi iâ, ni ikuma ia jitata jâ.

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Jisálamu 38:18

Nga di ẋikina-phe o kuêla kuami; kituxi kiami ngi ki diéla, né ngi ki talela hadi.

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Jisálamu 41:5

Jinguma ja kuata ku ngi longolola, exi: Ka fuila-hi kiá, dijina diê ni di bhué-ku?

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Izaía 59:12

Mukonda o kubhukumuka kuetu kuavulu bhu pholo ie, o ituxi ietu iene ia tu elesa; kuma itondalu ietu hanji ia tu nhenganana, o ikuma ietu tua ijiia muene kiambote.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.