Jisálamu 51:18 - O Mikanda Ikola

¹⁸ Ki ku uabhele, Ngana, kubhanga mbote kua Ziione, tunga dingi eie-muène o imbaka ia Jeluzaleme.

Jisálamu 51:18 ပူးပေါင်းရင်းမြစ်များ

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Jisálamu 102:16

Kioso kia mona Jihova ua tungu dingi Ziione, ua tukulula dingi o kubenha kuê;

Jisálamu 147:2

Jihova u tungisa dingi Jeluzaleme; hé u bhongolola akua Izalaiele a di muangene.

Jisálamu 25:22

Nzambi iami, kula Izalaiele mu jiphaxi jê joso.

Jisálamu 40:7

Ngʼetaia-phe, ngixi: Eme-ami-ú; kala kia ngi soneka mu ndunda ia divulu;

Jisálamu 69:35

Mukonda Nzambi hinu u bhulula Ziione, u tunga dingi o mabhata ma Juda; u sanga athu a xikama, a vu dingi o jimbongo jâ.

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Izaía 58:12

Oso a tokala ku mbutu ié, ene a kà tunga ididi ia budika mʼukulu; eie ua-nda kubhetula o madisesa ku muiji ni muiji; anga a kà ku luka exi, Mutungi-a-ibhela ia budika, kilolo kia ku jikula ikoka phala ixi ia kutunga ni kusoma.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Jelemiia 51:50

Enu-phe mua subhuka ku xibhata ndénuʼenu, ki muʼimane; ku makanga kuenhoko lembalalenu Jihova, o Jeluzaleme aie ni kubanda ku miẋima ienu.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Mikeia 6:7

Nzambi u xikina ku mu bhomba ni jimidi ja jimbudi? Inga ngi mu bhomba ni kuinhi dià midi ia tungiji tua maji? Ngi mu bhana monʼami ua diiala ua phande-kumbi, mu mulonga uami? Mba o mbutu ia tundu mu mala diami, mu kituxi kia muenhu uami?

Mikeia 7:11

Dikumbi di dʼiza di nga kà tona kutunga dingi o imbaka iê, mu kizuuʼokio o ngonge ia kà kala hanji dikanga.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

Efezo 1:5

Ua tu inda kukala tu ana, mu uana uijiia kua Jezú Kristu. Kuma kiene kima kia mu uabhela, kia mu kala okulu mu vondadi iê.

Efezo 1:9

ua kumbidila kia solele kubhanga, iú ua tu ijidisa o kikanenu kiê kia kasuèkele ki andalele kubhangela mua Kristu.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

II Tesalonika 1:11

Kienʼ iki, kiene ki tuene ku mi sambela jinga phala Nzambi ietu a mi kite mu athu mua fuama o kixanu kia muenhu uobhe ua mʼixanena. Tua mu bhinga ue phala muène, mu nguzu iê a tenese o jivondadi jenu joso ja kubhanga o ima iambote, ni a mi zubhile o kikalakalu ki mualù bhanga mu kuxikana.