Jisálamu 51:15 - O Mikanda Ikola

¹⁵ Ngi jikule, Ngana, o mizumbu; dikanu diami di kale mu ku tumbula jinga o fuma ié.

Jisálamu 51:15 ပူးပေါင်းရင်းမြစ်များ

Dimatekenu 44:16

Juda anga u zuela, uixi: Ngana iami, tata! ki tualʼiki tuila kiebhi? tu zuela-hi? tu fundila kuebhi? Nzambi ua vulumuna o kuêla kua jiselevende jé; etʼuetú, tu kala kiá tu abhika a ngana iami, ni etu kiá ni muene a mu kuata ni dikáu bhu maku.

Jisálamu 119:13

Mizumbu iami ia kuata mukumbi ua kutanga o kufundisa kua dikanu dié, kuma kuasokelela kuoso.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Makatukilu 4:11

Jihova anga u mu ambela, uixi: Nanhi muene ua bhanga o dikanu dia muthu? U bhangesa kuila iú dibubu, iú muxilu, o iú u mona, iú kifofo? Manhi ki eme muene ngi Jihova?

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 29:21

Mu kizuuʼokio nga kà bhangesa kuila o kutena kua muiji ua Izalaiele kua kà sabhuka dingi, hé nga kà ku bhana o kujikula dikanu, anga ua kà zuela muene kioso ki ua tena muʼaxaxe kâ; ene hé a kà kʼijiia kuila emeʼeme ngi Jihova.

Izekiiele 3:27

Maji kioso ki nga-nda kuila nga zuela nʼeie, nga-nda kujikula o dikanu dié, eie nʼua kà a tangela, kuila: Jihova uambe kiki: Uoso uedi uívua, evue; o uoso ngué kuívua, a kale; mukonda enhó ala dibhata dia ẋinuka.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Matesu 22:12

Anga u mu ambela, uixi: Kamba, eie ueza kiebhi mumu ua kambe o kizuatu kia ukaza? Muène-phe kia zuela ka ki mono.

Marku 7:34

Bhenhobho anga u talesa ku diulu, u di tula muenhu, uixi: Efata, kífua uambe, uixi: Xitunuka!

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.