Jisálamu 51:14 - O Mikanda Ikola

¹⁴ Ngana Nzambi, ngi katule ku ituxi ia ujibhanganga, u Nzambi iami ia kibhamuenhu; phala o dimi diami di kale mu kuimba nguzu o kukumbidila kué.

Jisálamu 51:14 ပူးပေါင်းရင်းမြစ်များ

Dimatekenu 42:22

Lubene anga u a ambela, uixi: Eme ki ngi mi tangelele-kiu, ngixi mona ki mu mu te kituxi? Enu-phe ki mu ẋikinine kuivua! Leluʼidi-phe mua mono, mulonga ua tuiza ua manhinga mê.

Dimatekenu 9:6

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

II Samuuele 3:28

Ki kia zubha kubhita, Davidi anga u kʼivua, uixi: Ni eme ni utuminu uami, ki ki kale kituxi kietu bhu pholo ia Jihova, ku mivu sé dizubhilu, kiki kia manhinga ma Ahinele monʼa Nedi.

Ejidala 9:13

O kiki-phe, kia tu bhiti ima iosuʼiii mukonda dia ibhangelu ietu ia ibha, ni kuêla kuetu kua dikota, etu tua mono hanji, kuila, eie u Nzambi ietu, ua fudisa kuila a tu jikinisa muene loló, mukonda dia ikuma ietu, eie ua tu bhané hanji dingi o ubhulukilu kala iú!

Nehemiia 9:33

Maji, Eie-phe Ngana, mu ima ioso iala kuiza ku thandu dietu, ua lunguʼê; mukonda o kuiuka kué kuene kua ku bhangesa-kiu, etu o kubhuma kuetu kuoso kuene kua tu bhangesa o ima iii.

Jisálamu 25:5

Ngʼendese, u mukua kukumbidila o kidi; ngi longe, u Nzambi iami ia kibhamuenhu; kumbi dioso dia kambamba ngi kinga kokué.

Jisálamu 26:9

Kana ku ngʼambata o muenhu uami ni akua ituxi kumoxi; muenhu uami ki u di bote ni ijibhanganga.

Jisálamu 35:28

Kienhiki, eme bhabha, dimi diami di kuata mukumbi; ngi ximana jinga o kidi kiê, kumbi dioso dia kambamba, katé ku hádia ni hádia.

Jisálamu 38:22

Endela-ku mu ku ngi kuatekesa, eie Ngana, u kibhamuenhu kiami!

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisálamu 68:20

Nzambi ietu, tua mu mono muene, kuma Nzambi ia kukudila mu iluezu; o jinjila ja kubhuluka mu kúfua, muene Jihova, Ngana ietu, uala na-ju.

Jisálamu 88:1

U Jihova, Nzambi ia ubhulukilu uami, ngi dikola ko kué muanha ni usuku.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Izekiiele 33:8

Eme kioso ki ngiia o mukua phulu: Eʼmukua phulu, ua-ndo-fua, ni kidi muene; eie hé u kamba kuzuela, phala kuvutula o mukua phulu ku njila iê, mukua phulu iú ua kà fua muene mu kikuma kiê, maji o manhinga mê, eme nga kà mʼèbhula bhu lukauku luè-eie.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Daniiele 9:7

Eie, Jihova, ualungu muene, etu-phe sonhi ja tu fuama té mu leluʼidi, ni mala mu Juda, ni akua Jeluzaleme, ni Izalaiele ioso-lolo; kixi ia a zukama, kixi ió oso ala ku makanga, ku jixi kuoso ku ua a tande, mukonda dia kutondala kuâ ku a ku tondalela na-ku eie.

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Habakuke 3:18

né kienhókio, eme hanji nga kà sangulukila mua Jihova; nga kà tumbujuka ni ngalasa mua Nzambi ia ubhulukilu uami.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jipoxolo 20:26

Kiene ki nga mi bhela-phe umbangi kizuua kia lelu, kuma nga zele, kana muthu mudienu u texika, o manhinga mê ni ma ngi kala ko-kuami.

Loma 10:3

Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.