Jisálamu 51:13 - O Mikanda Ikola

¹³ Phala ngʼijiie kulonga adianguka, a kutuke dingi mu njila ié; o akua ituxi, a ku baluka, a ku ize dingi bhu kinama mu kudiela.

Jisálamu 51:13 ပူးပေါင်းရင်းမြစ်များ

II Jisobha 17:18

Kiene kia bhekesa Jihova ku thathamena kiavulu Izalaiele, iú ua a sondolola ene oso ku mesu mê; ka xisamu dingi kima, kikale ngó o muiji ua Juda, kuabhu!

II Jisobha 17:20

Kala kiki-phe, o Jihova ue mbutu ioso ia Izalaiele ua i jini, iú ua a bhondeleka, ua a bhakula bhu maku ma ingumba, o abhundi, iú ua a kaiesa bhu pholo iê.

II Jisobha 17:23

katé Jihova kia sondolola Izalaiele bhu pholo iê, kala kia ki tangele ku ukunji ua abhikʼê oso, o misesedi; kienʼiki Izalaiele kia mu balakala ni ku mu katula mʼoxi iê phala ku mu tumikisa ku Asídia katé mu kizuua kia lelu.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 25:4

Ngʼijidise jinjila jé, u Jihova; ngi longe o uendelu ué.

Jisálamu 25:8

Jihova muthu uambote, o kuiuka kuvula; kiene kia tenena kulonga akua ituxi o njila.

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Jelemiia 31:18

Nga kʼivu muene kiambote kuila Ifalaíme ua kexi mu ku di tenda, uixi: Eie ua ngi bhe jingongo, eme nga mono ngongo, mukuâ ni kamona ka ngombe kiluua hanji kʼejidila; ngi bilule mu kudiela, phala eme ngi diele, mukonda eiʼeie u Ngana dia Nzambi iami.

Matesu 18:3

Ngi mi ambela kidi, muenhu uenu se u kamba kubiluka, ni mu kale uila mu anandenge, ku mua kà mona kididi mu Utuminu ua Diulu.

Luka 22:32

Eme-phe nga ku diondela, Ximá, phala o kuxikana kué ki kúbhue ni ku lémbue. Eie-phe, hinu ki u vutuka dingi kokuami, kolokotesa jiphange jé.

Jipoxolo 13:10

uixi: Monʼ a Diabhu! Eie uezala mangonha ni uloji! U nguma ia ima ioso iambote ni kidi! Eie kifua nuka dingi u fula kubhengeleka o jinjila ja kidi ja Ngana?

Jipoxolo 15:3

Ene-phe kia a xinjikila kuala o Ngeleja ia Andiioka, a bhita mu Fenixa, ni mu Samádia, ni kukunda kioso kia biluka o matumbu, kua Nzambi, anga ki bhekela jiphange kusanguluka kiavulu.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.