Jisálamu 50:22 - O Mikanda Ikola

²² Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Jisálamu 50:22 ပူးပေါင်းရင်းမြစ်များ

II Samuuele 22:42

A kengelela mu kusota uoso ua bhulula, maji ka mu mono; katé ni kua Jihova, muene-phe ka a suu.

Jobe 10:7

Eie ua kʼijiia kiambote kuila ki ngi mukua mulonga; maji né kiki, hanji ki bhuala muthu u ngi bhulula bhu lukuaku lué.

Jobe 8:13

Kiene ue kia soko ni jinjila ja ió oso a kambe kusuua ni kuxinganeka Nzambi; o akua kubhanga ia ibha kudielela kuâ kua kà jikinina.

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisálamu 7:2

Kuma a hamena o muenhu uami kala hoje ia bhindamena ku ngi dia; a mesena a ngi sanujuna ku idiandu, sé muthu ku ngi bhângela.

Jisálamu 9:17

Akua phulu a kà a takuila mu bombo dia kalunga; ni athu oso kiá a kamba kuxinganeka Nzambi.

Jisálamu 9:18

Mbata hinu bhu kala ni kizuua, phulungu a mu suua; o ngadiama ua tate, ka mu kakula kiá mu kudielela kuê, katé ku hádia.

Ndongixi 7:14

Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Jelemiia 2:32

Manhi monʼa kilumba u jimba makembu mê, inga dibhanga u landuka izuatu iê ia ubhanga? Eme phe o mundu uami a ngi jimbi muene, mu ndumba dia izuua ki i xikina ku i tanga.

Izekiiele 18:28

Mbata muene ua xinganeka iu ua diela ku itondalu iê ioso ia bhange, ni kidi kiene ia kà kola muenhu, ka kà fua, kana.

Hozeia 13:8

Ngi di takuila kua ene kala mama ia kitôto a mu nhana tuana tuê, ngʼa sana-sana o jingoji ja phumbulu; ngʼa dila bhenhobho mukuâ ni hoji, ngʼa sasujula muene kala ki bhanga o iama ia mukáu.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Hozeia 5:14

Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Amoji 2:14

Kienhiki-phe muthu hé uedi u bhebhuluka inama, kulenga kuê ki kuanda kutena ku mu kudila; o mukua nguzu, undanda uê ki ua kà mu bhana kima; dizonda ue ua kà tokoka ku bhângela muenhu uê.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Ajeu 1:5

Kiki-phe Jihova dia Ifuẋi uambe: Mixima ienu i tongolole hanji kiambote o uendelu uenu.

Luka 15:17

Kia zubha kusunga kilunji-phe, uixi: Akalakadi oso ianá ku bhata dia tatʼetu, ala ni kúdia kuâ kua soko, kua subhuka, eme-phe kunu, eme ngi-fua ni nzala!

Matendelelu 32:18

ʼTadi dia Muenhu ua mu jimbiê kiá, ua kuvuala; Nzambi uoso ua kʼumbile iú ua ku bhana o kukala, ki bhinga u mu jimba?

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.