Jisálamu 50:21 - O Mikanda Ikola

²¹ Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Jisálamu 50:21 ပူးပေါင်းရင်းမြစ်များ

Jobe 34:33

mbé muene ua-nda ku ku futa kala ki ua mesena eie, mba kiokio ku ki mesena? Mbebhu muene ua-nda ku kuambela, uixi: Solʼé é-muène, eme kʼeme ngi ku solela? tanga ki uejiia, zuela!

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 50:8

Ki ngi ku bazela, kana, kuila ua fulu ku ngi satela; jisata jé ja kuoha izuua ioso nga ji mono.

Jisálamu 73:11

Exi; Nzambi-ze u kʼijiia kiebhi? o Suke-ku mbé imʼiii uala ku i tongolola muene?

Jisálamu 90:8

Ituxi ietu ioso ua i tadika ku mesu mé, ni itondalu ietu ia muẋima ku mukengeji ua pholo ié.

Makatukilu 3:14

Nzambi anga u ambela Mozé, uixi: Eme kala-dia-kala, uixi: Ua kèla kua anʼa Izalaiele kuma: Kala-dia-kala muene ua ngi katula, iú ua ngi tumu ko kuenu.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Ndongixi 12:14

Mbata Nzambi hádia o ikalakalu ioso ua kà i bheka bhu kibhuna kia kufundisa, katé ni ioio iòsueke, kixi ia uabha mba ia iibha.

Izaía 26:10

O mukua-phulu né ua mu bhange mbote, ki kiene ki mu bhangesa o ku dilonga o kidi; katé ni mu ixi ia kuiuka, muene hanji a jijila o kubhanga ufusa, ka xikina kusuua o unéne ua Jihova.

Izaía 42:14

Muene, uixi: Nga dixibha kiá thembu ia vulu; ngʼedile hudí, nga di kondeka; maji kindala-phe ngi ta kiá mitendu kala ia muhatu uala ku isènda, ene-oso ngʼa buikisa hé ngʼa minhina kumoxi.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Jelemiia 2:23

Eie uala kuila kiebhi: Eme kana ki nga di kasanesa ki nga xingidisa mahamba a Bale? Talesa o njila ié mu dikolo muná, uijiie kioso ki ua bhange, tongolola-kiu kuma uala u kamelu ka sakalala, ni kuenda jihonda mu njila jê.

Amoji 8:7

Jihova phe anga u lokela muene ku unéne ua Jakobo, uixi: Eme ki ngi tena kujimba o ikalakalu iâ ioso katé ku mivu ni mivu.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Phetele 3:9

Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.