Jisálamu 50:18 - O Mikanda Ikola

¹⁸ Ki ua mono muii mu kunhana, u kuata-nê kisangela, o akua jiphanda ua di bundu-nâ kumoxi.

Jisálamu 50:18 ပူးပေါင်းရင်းမြစ်များ

II Samuuele 13:5

Jonadabe anga u mu ambela, uixi: Zeka bhu hama ié, u di bhangese kukata; o tatʼenu kia-nda kuiza ku ku kunda, u mu ambela kuila: Nga ku diondo, phangʼiami ia muhatu Tamala eze, a ngi bhangele kúdia ku mesu mami muene, ngi ki mone, ngi dile ku lukuaku luê.

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Matesu 23:30

muixi: Se tua kexile-ku, mu izuua ia jitata jetu, hinu ki tuejile ku di bhaka-nâ kumoxi mu kuzunza o manhinga ma misèsedi.

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

I Timote 5:22

Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.