Jisálamu 50:17 - O Mikanda Ikola

¹⁷ Eʼmuene kua xikina ku ku longa, maka mami ua ma takuila kuema dié.

Jisálamu 50:17 ပူးပေါင်းရင်းမြစ်များ

I Jisobha 14:9

inda eie kua kuiza kubhanga kia beta kuiibha, akuenu oso a ku diangela ndenge, mbata uai, eie ua bhange jinzambi jengi ni iteka ia kuiẋika, phala ku ngi lokalala o njinda iami, eie ua ngi bhana dikunda.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 12:1

Muthu uoso ua uabhela o ku mu longa, ió muene o dikamba dia kuijiia; maji o mukua ku di zangala kia mu bazela, ió-phe kioua kia hatu.

Jisabhu 15:10

Uoso ulueza o njila, o kibetu kiê kivula; uoso-phe kia mu tangela kʼevu, ua xikamena kúfua.

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Jelemiia 18:12

Maji ene-phe exi: Ku tale hadi, mbata etu tu kana kuenda kia tu tumu o ixinganeku ietu; kala muthu ua-nda kubhanga kioso kia mu tumu o muẋima uê ua bhumu.

Jelemiia 8:9

O jinjimu sonhi ja a kuata, a a tukumuisa ia a a kutu: Oko a tènde o kizuelu kia Jihova; unjimu uahi-phe ua kala na-u?

Ijila 26:15

o jingonge jami se mua ji te dikunda, o mabatuilu mami mua di kumu-nâ, anga mu fula o ku kumbidila ijiia iami ioso, phala ku ngi seluila o kikutu kiami,

Nzuá 3:20

Mbata oso a bhanga kiaiibha, a zemba mukengeji, keza ku mukengeji phala ima iâ ia bhanga ki i tukuluke ni i moneke ku athu.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.