Jisálamu 50:14 - O Mikanda Ikola

¹⁴ Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 50:14 ပူးပေါင်းရင်းမြစ်များ

Jobe 22:27

Eie ua kà sambela Nzambi, o muene ue u kuívua; eie ua kà futa muene ioso i ua di hambelela kua muene.

Jisálamu 147:1

Ximanenu Jihova! kima kiambote o kuimba mù ximana Nzambi ietu; kiki-phe kia touala, kia fuama muene o kuximana.

Jisálamu 22:25

Eie-muène nga ku te thâthe bhu pholo ia athu avulu; kioso ki nga loko, ngi ki kumbidila bhu pholo ia akua uôma ué.

Jisálamu 22:26

Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Jisálamu 27:6

Ki bhangesa mútue uami u bhetuka, jinguma ja ngi bhindamena ngʼa muena ngó bhoxi; anga ngi bhana mu balaka iê jisata ja kusakidila; ngimba mikumbi, ngi sanguluka mu kuximana Ngana.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jisálamu 56:12

Ioso i nga di hambelela ko kué, Ngana Nzambi, eme nga-nda ku i kumbidila muene; ngi ku bhakuila ni maujitu ma kusakidila.

Jisálamu 61:8

Kienhiki ki ngi bhangesa kuila ngi ximana jinga o dijina dié, ngi kumbidila jinga izuua ioso o jipolomesa jami.

Jisálamu 65:1

Jiphèmbele ja ku xikamena mu Ziione, Ngana Nzambi; jipolomesa ji tokala a ji kumbidila ko kué.

Jisálamu 69:32

Abelesela a kà ki mona, hé ki kala kia kutana; enu muala kuinda Nzambi, muẋima uenu u suíne dingi.

Jisálamu 76:11

Lokenu kua Jihova Nzambi ienu, o ioso i mua di lokela futenu-iu muene; enu mu akua kilômbo kiê, mu tudidienu maujitu, zenu kua ió ua tokala ku mu kuatela uôma.

Jisálamu 76:12

Muene u humbula o kudizangeleka kua makota a jingana; anga u teketesa o jisobha ja mu ngongo.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Nahumu 2:1

O Mubuikixi ua ku kala kiá ku pholo ié; eie-phe langa o mbonge, ta alangidi mu njila, suína u di kute bhu kinhonga, handamana muene kioso ki ua tena.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Matendelelu 23:21

O kioso ki u bhanga plomesa bhu pholo ia Jihova Nzambi ié, ku laleke-phe mu i kumbidila; mukonda o Jihova Nzambi ié ka fulu ku kuibhula-iu muene mu kidi, bhenhobho-phe, ei ueza mu kituxi.

Matendelelu 23:22

Maji se ua kambe kubhana polomesa, ku kalé ni kituxi.

Matendelelu 23:23

Uila jinga hé ua zuela kima mu kanu dié, u ki kumbidila muene anga u ki bhanga; né ujitu ua ku di fikixila u uambe kubhana kua Jihova Nzambi ié; kioso-phe kia tanga o dikanu diê u ki bhanga muene.

Matendelelu 23:24

O kioso ki u kutuka mu mulenga ua mivide ia mukuenu, diá ngó ji-uvua joso jasoko ni nzala ié, katé ki uikuta, u suke; kana kuambata-ku kima mu kinda kié.

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.