Jisálamu 50:12 - O Mikanda Ikola

¹² Se nga kexile ni nzala, ki ngeje ku ku tangela-kiu; kuma ixi ioso iami eme, ni jimbongo jê.

Jisálamu 50:12 ပူးပေါင်းရင်းမြစ်များ

Dimatekenu 8:17

Tundisa ue iama ioso ia muenhu i uala na-iu kumoxi momo, ni jixitu, ni jinjila, ni ibhaku, ni ibamba i huhuta ni mala bhoxi; phala mu ixi mu izale dingi mbutu iâ, a di vualulule, a sokoloke kiavulu mu ngongo.

Jobe 41:11

Nanhi ua dianga ku ngi bhana, phala eme ni ngi mu vutuile? Mbata o ima iene ioso iala bhoxi dia maúlu, iami eme-muène.

Jisálamu 104:24

Eie, tata, u Jihova, ikalakalu ié kuvula kuahi! Iene ioso ua i bhange ni uhete, o mu ngongo muezala ni jimbongo jé!

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.

Matendelelu 10:14

Talesa-ze kuma ni maúlu iâ, ni maúlu mala ku thanduʼa maúlu, ima ia ngene ia Jihova Nzambi ié, ni oxi ue ni ima ioso iala-mu.