Jisálamu 5:9 - O Mikanda Ikola

⁹ Kuma enhó kuzuela kuâ ki kuala ni kukumbidila; miẋima iâ moxi ia di bhange kizakazaka kia usuéia; bhu dikelengu diâ, kina kia kalunga, sumbala a hanza ni dimi diâ.

Jisálamu 5:9 ပူးပေါင်းရင်းမြစ်များ

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Jisálamu 27:11

Ngi longe, Ngana, o njila é, u ngʼendese mu ikoka iatu, ki iala ni kubhengalala, mukonda dia jinguma a ngi batamena.

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisálamu 52:2

Eie dimi dié di funha usuéia uoso, o kabódio kê mukuâ ni phoko ia bhutu mu kukuama.

Jisálamu 62:4

Ene a-lu di longesa mudiâ phala kulundumuna o muthu uangene bhu ditala diê dia ujitu; kia a uabhela o makutu; a hanza muene ni dikanu diâ maji o ku muẋima moxi-phe akua mázui. (Selah.)

Jisálamu 62:9

Mukonda, ni kidi kiene, akua ditala diófele kingoho, o akua ditala dia dikota ue makutu; ku a ta ku pezo, ki bhuala ua di tungula, ene oso a bhebhuluka mukuâ ni ukumbu ngó!

Jisálamu 64:6

A funha milonga, exi ndunge iambote; o mixima iâ, ni ilunji iâ, ia di bhange muene kala dikenhe dia usuéia.

Jisálamu 69:19

Eie, Ngana, uejiia kiambote o kusekala kuami, ni kusebuluka ku nga sebuluka ni jisonhi, ni kubhuuama kuami; ió-phe ala ku ngi tobhesa, enhoso ala ku mesu mé.

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Luka 11:39

Ngana Jezú anga u mu ambela, uixi: Enu mu jifalizu, o kopho ni dilonga mu di kondona ku kanga; moxi dienu-phe muezala uíi ni phulu.

Luka 11:44

Lamba dienu! Kuma mua di fangana jimbila ki ja moneka ku mesu, athu ka kʼ ijiia, endela ku thandu diê.

Loma 3:13

Bhu xingu iâ kala mu mbila mua jikuka; madimi mâ mejidila o kutanga makutu aiibha, ni mazui a kalunga, mukuâ ni ikolakola ia jinhoka itunda ku mizumbu iâ

I Tesalonika 2:5

Tundietu, kiluua tu kala ni maka ma kuhanza athu, enʼuenu mua kʼ ijiia, kiluua tu kala ni maditatu ma luimbi lua kutambujula itadi. Nzambi mbangi ia ima ienʼiii.