Jisálamu 49:7 - O Mikanda Ikola

⁷ A bhange ioso ia tena maji ki bhuala u tena kukula phangʼiê, mba ku mu bhakela kua Nzambi, ni kubhana kitadi.

Jisálamu 49:7 ပူးပေါင်းရင်းမြစ်များ

Estere 5:11

Hamane anga u a tangela o fuma iê ia jimbongo jala naju, ni kusokoloka kuê kua kuvuala ana avulu, ni kijingo kioso kia mu bhana muenexi, ni ditala dia mu tula, jifixiiadi joso ndenge ni akua mbèle oso ku mbanza.

Jisabhu 18:11

Mukua itadi, jombongo jê u ji kita mbonge ia ku mu fikidila; phala muene, kifua kimbaka kia lebha kitala.

Jelemiia 9:22

Zuela: Eme Jihova uambe kiki: Katé ni imbi ia athu, ia-nda kutakujuka kala ditobe mu mukáu ua dianeka, mukuá ni phunga ia kidima ia xala mua bhiti o mubhongolodi, o u i bhongolola ka moneka.

Hozeia 12:9

Maji eme-phe, tunde mʼoxi ia Ijito, eme ngi Jihova Nzambi ié; hanji eme nga-nda ku ku bhangesa kuzekela mu jifundu kala bhu izuua ia jifesa.

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Matesu 25:9

Kuala ilumba ia dimuka: Ki ki xikina. Imoxi ki tu soko, ni etu ni enu. Inda ndenu ku abadi, enu uenu mu sumbe.

Marku 8:37

Mba muthu u bhana muenhu ue mu kima kiahi?

I Timote 2:6

ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,