Jisálamu 49:17 - O Mikanda Ikola

¹⁷ Kuma hinu kiʼàfua, ka kʼàmbata kima; o unéne uê ka kà tena ku ila na-u bhuamoxi.

Jisálamu 49:17 ပူးပေါင်းရင်းမြစ်များ

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Jobe 27:19

Mu kuzeka, u zeka mvuama ni umvuama uê, o kia tona mesu, umvuama ki u moneka dingi.

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Ndongixi 5:15

Muthu-phe kala kia tundu mu vumu dia mamʼâ, ua zula, kiene ue kia kà vutukʼê, ua kʼàia muene maku a hatu, kala kiejile ku muenhu iú; ku ikalakalu iê ioso kà kambata-ku kima bhu lukuaku luê.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 5:14

Kiene kia bhangesa o mbila kuvudisa o hánji iê, ni kujikula dikanu diê sé mbambe; ni kijingo kiâ ni kifuxi kiâ uâ, ni makembu mâ, ni oso a kexe mu kutana muʼaxaxi kâ, a kulumuka mu bòmbo dia kalunga.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 16:24

Anga u di kola uixi: Tata Mbalahamu! Ngi kuatele henda! Tuma Lázalu a bondeke mútue ua mulembu uê mu menha, eze a ngi talalese bhu dimi, mukonda nga xixima kiavulu mu mulengʼumu!

I Kolindo 15:43

O uene kioso kia u funda, u sanga uaiibha, ua botomoka; maji o kioso ki u fukunuka, u sanga ua uabha, ua di sanze.

I Timote 6:7

Mukonda mu ngongʼumu ki tueza-mu ni kima, ki tua-ndu tena ue kuambatamu kima!