Jisálamu 49:16 - O Mikanda Ikola

¹⁶ Ku kale ni uoma, muthu se ua di bhange kilamba, mba dibhata diê diʼla kala dia tambula unéne.

Jisálamu 49:16 ပူးပေါင်းရင်းမြစ်များ

Dimatekenu 31:1

Jakobo anga u ívua kiala kuzuela anʼa Labano a mala, kuila: Jakobo ua bhundu ioso ia kexile ia tatʼetu; o ku jimbongo joso ja tatʼetu kuene muene kua bhongolola o umonhi uoso iú.

Estere 5:11

Hamane anga u a tangela o fuma iê ia jimbongo jala naju, ni kusokoloka kuê kua kuvuala ana avulu, ni kijingo kioso kia mu bhana muenexi, ni ditala dia mu tula, jifixiiadi joso ndenge ni akua mbèle oso ku mbanza.

Jisálamu 37:1

Ku kale mu jiphata mukonda dia iá a bhanga kiaiibha; kuile uixi a lunguʼá akua kubhanga phulu,

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisálamu 49:5

Phalahi ngi kala ni uoma ua izuua iaiibha, kala kia ngi phopheka akua mangonha, a mu-ia ni ku ngi tela míkala?

Jisabhu 28:12

Athu aiuka kia bonga ditala dia ujitu, bhu kala kutana kua nzungule; maji o isuéia-phe, se a i tudika, athu bhu kaia kusuama-suama.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Dijingunuinu 21:24

Akua jixi joso, a kʼènda muʼaxaxe ka mukengeji uê, o jisobha mu ngongo ja kà bheka-mu o matunda mâ.

Dijingunuinu 21:26

O ungana ua akua-jixi, ni umvuama uâ, a kà u bheka muenhumu.