Jisálamu 49:14 - O Mikanda Ikola

¹⁴ O mu ku a funda, a di kaiejela kala jimbudi jiia mu kibhanga; kalunga-ka-ngombe u a kombola mu bombo diê; kukia ngó mu kimene, kijingo kiâ kia bhitila kia ku athu aiuka; o mukutu ua uabhele iú sekumukina mu mbila, mukonda ki ua mono dingi kididi kia kukala.

Jisálamu 49:14 ပူးပေါင်းရင်းမြစ်များ

Jobe 21:13

Mu kuzediua muene mua zubhila o izuua iâ, maji mu kithangana kiofele a tuluka mu mbila.

Jobe 21:26

Ene oso kumoxi a a funda mu mavu, o momo kiá tubamba tuene tu a vungina ene oso.

Jobe 30:23

Maji-phe, eme nga kʼijiia, kuila hádia u ngʼambata kuʼalunga, ku inzu ia dibhongolokelu, ia kinga ene oso ala ku muenhu.

Jobe 4:21

Manhi o unéne uâ ki uene mu kubhita kumoxi ni ene, kioso ki batuka o ngoji ia muenhu? A fua muene, a lémbua kubhiẋila bhu ditala dia kuijiia.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 39:11

Kuma eie ki u bazela muthu, mukonda dia kutondala kuê, o kuuabha kuê ku mu bhua, u kala kala kizuatu, a ki kesa kuala kabamba. Ni kidi kiene, muthu bá kingoho! Kikexilu kiê kifua mukua ni mbundu iiza-ku, kindala iaiê. (Selah.)

Jisálamu 44:11

Eie ua tu bhakula, etu tua di bhange tu jimbudi jâ ja kúdia; ua tu muanga-muangena mu jixi ja akua matumbu kejiia Nzambi.

Jisálamu 47:3

Muene ua lende o ifuẋi ioso ia tu tolokela etu; o athu engiʼó iu ua a te bhoxi dia inama ietu.

Jisálamu 9:17

Akua phulu a kà a takuila mu bombo dia kalunga; ni athu oso kiá a kamba kuxinganeka Nzambi.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Jelemiia 12:3

Maji, Jihova eie ua ngʼijiia, uene ku ngi mona; o muẋima uami kioso ki ua di tumu nʼeie, eie ua ki tongolola: Landameka-u enhó kala jimbudi jiia bhu dijibhilu, a iudike phala bhu kizuua kia kijibha.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:22

Katé kia bhixila Mukulu-ua-Ndamba, anga o kufundisa a ku bhana bhu maku ma athuʼê angene a Suke-ku; anga Kithangana kiza-bhu kia athuʼê angene kutambula utuminu.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Malakiia 4:3

Akua ituxi mua kà a diota-diota, mbata a kà di bhanga kala utôkua koxi dia inama ienu, mu kizuua kienhókio ki nga-nda kua kà bhanga; eme ngi Jihova dia Ilombo Ieta.

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

I Kolindo 6:2

Inga enu ki mua kʼ ijiia kuma athu a Nzambi hadi a kà fundisa o mundu? Se muedi kuma ene a kà fundisa o mundu, kifua tumilonga tuofele tutu mu tu tokoka?