Jisálamu 49:11 - O Mikanda Ikola

¹¹ Moxi dia muẋima uâ-phe, a fika kuma o jinzo jâ ki ji budika dingi, o jixi jâ a ji luka o majina mâ-ene.

Jisálamu 49:11 ပူးပေါင်းရင်းမြစ်များ

Dimatekenu 4:17

Kaini anga u ijiia mukajiʼê; anga u imita, u vuala Enoko; anga u tunga mbonge, o mbonge u i luka dijina dia thungunu iê Enoke.

II Samuuele 18:18

Abisalone-phe kia kexile ku muenhu ua di tungisila philadi mu kibota kia sobha, kuma uambe, uixi: Ki ngala ni mona ua diiala u ngi jîngisa dijina diami. Philadi anga u i luka dijina diê muene; ene ku ixana exi músonga ua Abisalone, katé mu kizuua kia lelu.

Jisálamu 10:6

Ku muẋima uê, uamba kuma: O bhabha ka tena dingi ku ngi sendumuna-bhu; nga tungu muene, ki ngi bhindama dingi, lémbue!

Jisálamu 39:7

Ki ngalʼiki-phe, Ngana, tata, nga kinga-hi dingi? Nga dielela ngó ko kué.

Jisálamu 5:9

Kuma enhó kuzuela kuâ ki kuala ni kukumbidila; miẋima iâ moxi ia di bhange kizakazaka kia usuéia; bhu dikelengu diâ, kina kia kalunga, sumbala a hanza ni dimi diâ.

Jisálamu 64:6

A funha milonga, exi ndunge iambote; o mixima iâ, ni ilunji iâ, ia di bhange muene kala dikenhe dia usuéia.

Ndongixi 2:14

O njimu mesuʼê a mu kala mu mútue, o kiôua-phe uendela mua vundu; sumbala a di tungula maji nga tetuluka kuila o ima i bhita kua iú iene ue i bhitʼê kua ió.

Ndongixi 2:21

Kuma sai muthu o kikalakalu kiê u ki bhanga ni unjimu uoso ni kuijiia kuoso ni uhete ua maku a sakalala, maji, o mungu, u ki xilé ngó muthu uengi ka kalakala-ku; ki kituka dikânda diê-muène kiá. Kidi muene. Kiki ue ukumbu ngoho ni nzungule ia dibhuilu!

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Luka 11:39

Ngana Jezú anga u mu ambela, uixi: Enu mu jifalizu, o kopho ni dilonga mu di kondona ku kanga; moxi dienu-phe muezala uíi ni phulu.

Jipoxolo 8:22

Diela kindala o kubhuma kué kuku, u sambele Ngana, sumba ki ua fikile ku muẋima u ku lolola-kiu.

Matendelelu 3:14

Jaíle monʼa Manasa, muene kiá ua tambuile o dikaẋi dioso dia ixi ia Angobe katé mu kiuanu ni akua Jesule ni akua Mahaka, anga u i luka dijina diê uixi: Basane-ia-Havote-Jaíle, katé mu kizuua kia lelu.)

I Samuuele 15:12

Ki kúkia ni kimene Samuuele u dimeneka mu kubatuila Saúlo. Samuuele anga a mu kunda, exi: Saúlo uejile bhu Kalumelo, ua iudika-bhu kitatamu kiê iu ua tembuka, ua bhiti, iu ua kulumbuka bhu Jidingale.