Jisálamu 49:10 - O Mikanda Ikola

¹⁰ Kikale ene oso muene mu aia; ni njimu i fuê; ni kiôua ni bulutu ene oso kiómuene, o jimbongo jâ a ji xila akuá.

Jisálamu 49:10 ပူးပေါင်းရင်းမြစ်များ

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 49:17

Kuma hinu kiʼàfua, ka kʼàmbata kima; o unéne uê ka kà tena ku ila na-u bhuamoxi.

Jisálamu 73:22

Kutobha-phe ku nga kexe na-ku, kukamba ku kʼijiia; nga di bhangele kala ngi kiama bhu pholo ié.

Jisálamu 89:49

Ngana, tata, o jihenda jé jòkulu ja xalela kuebhi, joso ji ua lokela Davidi ni ufiiele ué uoso?

Jisálamu 94:8

Xinganekenu hanji enu jibulutu ja athu, enu mu ioua, kífua ki mu dimuka dingi?

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Jisabhu 12:1

Muthu uoso ua uabhela o ku mu longa, ió muene o dikamba dia kuijiia; maji o mukua ku di zangala kia mu bazela, ió-phe kioua kia hatu.

Jisabhu 14:24

O jimbongo kiene o kijinga kia jinjimu jala ni kuijiia; o lusebu lua iôua-phe, uoua mu uoua ngó.

Jisabhu 30:2

O kutanga kidi, eme nga beta kutobha athu oso ndenge; kilunji kia muthu ki ngala na-kiu.

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 17:11

Mukua ni nguadi uongeka maiaki, sè ku ma langela; kiene ue ki kala o muthu u bhongolola jimbongo, ja tambula ngó kioso-kioso; o kia bhixila mu kaxi ka izuua iê u ji xa, o ku dizubhilu diê u kituka kioua.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.