Jisálamu 48:2 - O Mikanda Ikola

² O mulundu ua Ziione, kididi kia uabha, bhua di leka kiambote, ngalasa ia ixi ioso! o mulundu ua kexila ku maẋokololo ku mutundila-kumbi, mbanza iangene ia Sobha ia dikota.

Jisálamu 48:2 ပူးပေါင်းရင်းမြစ်များ

Jisálamu 135:21

Jihova a tane-ku, tunde mu Ziione, kuma muene ua tunga mu Jeluzaleme. Haleluia!

Jisálamu 50:2

Kididi kia Ziione, ki ki moneka luiadi mu kuuabha, muene muala kutunda o kubenha kua Nzambi,

Jisálamu 76:2

Mu Saleme muene mua te o balaka iê, o dibhata diê dia kala mu Ziione.

Jisálamu 87:3

Ala ku ku zuela ima ia fuma muene, eie u mbanza iangene ia Nzambi!

Jisálamu 99:9

Jingisenu Jihova, Nzambi ietu, mu diundilienu bhu mulundu uê uangene; kuma Jihova, Nzambi ietu, ukôla.

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Kuditenda 2:15

Athu oso a bhita mu kikoka, a bhânga ibhubhu; a xika miẋi; a bhuka ku mítue iâ, mu kudiuana o kilumba, monʼa Jeluzaleme, exi: Iene-ze o mbongʼii ia lukile exi: Suke-ku mu kuuabha, muene Ditunda di sanguluisa oxi ioso?

Izekiiele 20:6

Mu kizuua kienhokio, nga a zanguila o lukuaku luami, hé nga a lokela ngixi: nga-nda ku mi katula mʼoxi ia Ijitu ni ngi mi bheka mu ixi i nga dianga ku mi muena, ixi i zunzumuka lete ni uiki, i ia di-bhange iene o makembu a jixi joso.

Daniiele 11:16

O nguma uoso ua-nda kuiza ku mu lua, ua-nda kubhanga muene kioso kia mu tumu o muẋima uê, ki bhua-nda kumoneka muthu utena ku di fikidila bhu pholo iê. Ua kà kala mʼoxi ia uabha kinéne, ia di bhange iene o matunda ma miji ioso, o ima ioso ia kà kala bhu lukuaku luê, katé ni kibuika ki bhobho.

Daniiele 11:45

Ua ka phapha jibalaka ja kilômbo kia mbanza iê bhu kaxi ka musanza ua kalunga ka dikota ni Mulundu ua ulamba; maji hádia o dizubhilu diê ki dʼiza, u mu banda ka moneka.

Daniiele 8:9

Lumoxi-bhu lu bhana kalumbinga kòfele anga ka lebhelela kiavulu, ka lunga ku sulu ni ku thunda ni kʼoxi ia diuabhela.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Malakiia 3:12

Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Matesu 5:35

Kana kulokela oxi, mbata bangu iê ia inama; kana kulokela Jeluzaleme, mbata mbanza ia muenexi ua dikota.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.