Jisálamu 46:9 - O Mikanda Ikola

⁹ Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Jisálamu 46:9 ပူးပေါင်းရင်းမြစ်များ

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Izaía 10:23

Kuma o kibuika kia xindi kiá, o Ngana, Jihova dia Ilômbo Ieta, ua kà ki bhitisa muene muʼaxaxi ka oxi ioso ienhiʼii.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 60:18

Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Izekiiele 39:3

anga o mufula ué ua ku kala bhu lukuaku lua kiasu ngi ku katula-na-u, o misongo ia ku kala bhu lukuaku lua kadilu ngi ku laúla-naiu.

Mikeia 5:10

Anga kia kà bhita mu kizuuʼokio, kuma eme ngi Jihova, o jikabalu jé joso ji uala na-ju, nga kà ji buidisa, ni makalu moso nga kà a bukujula.

Josuué 11:6

Jihova anga u ambela Josuué, uixi: Kana kukala ni uoma bhu pholo iâ; mbata mungu, bhu kumbi kala didi, ngʼa nemeka anga ngʼa bhakula kiua bhu pholo ia anʼa Izalaiele. Jikabalu jâ mu ji sènda o mixibha, o makalu mâ mu a oha mu túbhia.

Josuué 11:9

Josuué anga u a bhanga muene kala kia mu tumu Jihova: jikabalu jâ ua ji sende o mixibha, o makalu â ua oha mu túbhia.

I Samuuele 2:4

Mifula ia mazonda i bukujuka, a kexile kiá mu ku di bhukajana-phe a a zuika ni nguzu iengi.