Jisálamu 46:8 - O Mikanda Ikola

⁸ Zenu, mu di uane o ikalakalu ia Jihova! Mu tale o isunji ia bhange muene mu ngongo!

Jisálamu 46:8 ပူးပေါင်းရင်းမြစ်များ

Jisálamu 146:5

U zediua o muthu ió kubhanduluka kuê kua mu kala kua Nzambi ia Jakobo, ua bhingi o muẋima uê ua dielela kua Jihova muene Nzambi iê.

Jisálamu 59:10

Nzambi iami u ngi sanga ni kulenduka kué; u ngi bhanga jivondadi kua ió jinguma jami ala ku ngi séia.

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Makatukilu 10:7

Akua mbèle ia Falaó a mu ambela, exi: Mbambe bhebhi bhu suka muthu muenʼíú ni ku tu tatesa? A ehe, mala enhá, aie, a bhikile Jihova Nzambi iâ; kífua kua kʼijiia luua kuma Ijitu a mu sengulula?

Makatukilu 12:30

Falaó anga u balumuka mu usuku, ni muene ni akua mbèle iê oso, ni athu oso akua Ijitu; anga ku kala ngololo ia vulu mu Ijitu; kuma kana-ku inzu mua kambe kúfua muthu.

Izaía 24:1

Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 61:4

Ene a kà tunga jingùndu jòkulu, a kà bhetula dingi ididi ia diangele kusenguluka, madiembu a sekala a kà a bhangulula dingi, ni jingùndu jòkulu jòsengulule ku muiji ni muiji.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 8:10

Né muedi mu di-phopha bhuamoxi ku kaiula ki ka kà tunda kiambote; né mua te maka, ki ma kuata, lémbue; mbata etu Nzambi tuala-nê.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Dialuilu 23:23

Kua Jakobo uanga ki u tena-ku! Kua Izalaiele né a zambula, lémbue! Mu tumbula Jakobo ni Izalaiele, ela muene: Nzambi kukalakala kuahi!

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Josuué 11:20

Mukonda kia tundile kua Jihova kuene, o ku a kolesa muẋima, mbé a solomoke mu kauidila Izalaiele ni mvunda; ia a di bhange-kiu, oso muene buí, sé ngó dingi ku a kuatela henda; mbé o ku a jima mbutu ene oso, kala kia ki tendelela Jihova kua Mozé.