Jisálamu 46:4 - O Mikanda Ikola

⁴ Sai-ku ngiji o milombo iê i tekela o mbanza ia Nzambi; kididi kiangene kia mabhata ma Sukè-ku.

Jisálamu 46:4 ပူးပေါင်းရင်းမြစ်များ

II Malunda 6:6

Maji Jeluzaleme muene nga mu solo, mbé o dijina diami di kale mueneʼomo; eme nga solo ue Davidi, phale a kale mu kutumina o kifuẋi kiami kia Izalaiele.

Jisálamu 23:2

U ngi bheka kunhoha mu iangu ia sabhelela; u ngi songuela bhuala menha matululuka.

Jisálamu 43:3

Ngi tumikise, Ngana, o mukengeji ué, ni kidi kié, phala a ngi tuamenene o njila; a ngi bheke ku mulundu ué ukôla, ni ku dibhata dié, kuala o jibalaka jé.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Jisálamu 48:8

Kala kioso ki tua kʼivua jinga, lelu kiene muene ki tua ki mono, mu mbanza ia Jihova dia ifuẋi, mu mbanza ia Nzambi ietu; kuma kia tungu Nzambi, ka tena ku ki bula. (Selah.)

Jisálamu 65:9

Ixi u i zungila, u i tekela; u sueka jimbongo javulu mu mavu, mukonda dia ngiji ia Nzambi iezala menha; athu u a dikila ni masa, ki u zubha kukalakala ku mábhia.

Jisálamu 87:3

Ala ku ku zuela ima ia fuma muene, eie u mbanza iangene ia Nzambi!

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisálamu 92:1

Kima kiambote o kusakidila jinga Jihova, kuimba muene ni kuximana o dijina dié, u Suke-ku.

Jisálamu 92:8

Eie-phe, u Jihova, ditala diengi di uemana, kuma eie-muène Suke-ku katé ku hádia ni hádia!

Jisálamu 93:3

Masenza ma jingiji, Ngana, ma zangumuka, masenza ma jingiji ma zangumuna o dízui diâ, mabhuku mê ma mu zuma.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Mikeia 6:6

Kima kiahi ki ngiia na-kiu bhu pholo ia Jihova ni nga kà fukame na-kiu bhu pholo ia Nzambi ua suka ku ukota? Ngiza bhu pholo iê ni maujitu ma kuoha? Ngi mu bhekela tungombe tua muvu umoxi?

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Dijingunuinu 21:10

Kithangana kienhókio o Nzumbi ia Nzambi hé u ngi kitulula, anju anga u ngʼambata Katé ku mulundu ua dikota ua di leka. Anga u ngʼidikiza o Mbanza Iangene, Jeluzaleme, iala mù tuluka ku diulu kua Nzambi,