Jisálamu 46:3 - O Mikanda Ikola

³ Né-mbe o menha mê ma fuluka, anga ma numina, mba milundu i tunguta ni kusuína kuê. (Selah.)

Jisálamu 46:3 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

Jobe 38:11

Anga ngi uambela, ngixi: Ua-nda kuiza ndú bhabha, kutena dingi kuia ku pholo, o bhenhabha bhene bhua kà tolokela o nguzu ia mabhuku mé?

Jisálamu 18:4

Mabhuku a kalunga a-lu sota ku ngi bobesa, masenza ma kubhuma mambe ku ngi kungulula.

Izaía 5:3

Kiki-phe enu akua-bhata mu Jeluzaleme, nʼenu mu akua Juda, nga mi diondo, tu fundisienu hanji nʼeme ni díbhia diami dia muvide.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Mikeia 1:4

O milundu bhoxi dia inama iê ia kà sengumuka, ni jihonga ja kà dibula misula mukuâ ni kixila kia uiki kia zukama ku túbhia, mukuâ ni menha ki ma lundumukina mu dikenhe.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Matesu 7:25

Mvula anga i sonoka, hé bhu di bhanga masenza, ni kitembu ki bhuka, ki di vunda ku inzuʼ oio. Iene-phe ki ia lundumuka, mbata iòtunge bhu ndànji.

Dijingunuinu 16:20

Ikolo ioso anga i muangana, o milundu ioso ia jimuka, ki ia moneka dingi ku mesu.

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.