Jisálamu 46:10 - O Mikanda Ikola

¹⁰ Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 46:10 ပူးပေါင်းရင်းမြစ်များ

I Jisobha 18:36

Hé ki bhita-phe kuila ki a zubha kubhikila o kithangana kia kubhana o mubhaku ua musa, polofeta Elija u zukama, anga u zuela, uixi: Eie u Jihova, Nzambi ia Mbalahamu, ni Izake, ni Izalaiele, di tukulule mbé lelu a kʼijiie kuma eie-muène u Nzambi mu Izalaiele, ni kuila ue kuma eme ngi ngunza ié, o ima ioso iii nga i bhange mu kizuelu kié.

II Jisobha 19:12

Mbehu o jinzambi ja ifuẋi ja tena o kubhulula o jixi joso ja muangamuanga o jisobha ja Asídia, o jitata jami? O jixi ja Ngozane, ni Halane, ni Lezefe kumoxi ni anʼa Edene a kexile mu Talasale?

II Jisobha 6:23

Sobha anga u a bhangela kizokola kia dikota, hé a dia a nua; anga u a sulula, aia kua ngana iâ; tundé kieneʼokio mʼoxi ia Izalaiele ki mu bokona dingi masoladi a Sídia.

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 21:13

Zangalala, Jihova, mu nguzu ié; etu tu kale mu ku ku imbila, ni ku ximana o uzonda ué.

Jisálamu 37:15

Maji o xibhata iâ-phe, ia kà a bokona ku muẋima uâ-ene; o mata mâ ma mifula, ma kà bukujuka.

Jisálamu 57:5

Zangalala, Ngana Nzambi, ku thandu dia maúlu; o fuma ié i tunde, o fuma ioso mu ngongo.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Jelemiia 49:35

Jihova dia Ifuẋi uambe kiki: Tala, hádia mufula ua Elame nga-nda ku u bukula, o mufula ua nguzu iê kiá muene.

Izekiiele 30:8

Anga a kà kʼijiia kuila emeʼeme ngi Jihova, kioso o Ijitu ki nga-nda ku mu ta o túbhia, anga a kà jikinina ene oso a kexile mu ku mu kuatekesa.

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Izekiiele 39:3

anga o mufula ué ua ku kala bhu lukuaku lua kiasu ngi ku katula-na-u, o misongo ia ku kala bhu lukuaku lua kadilu ngi ku laúla-naiu.

Mikeia 4:3

Muene anga ua kà fundisa ni mabatuilu mê muʼaxaxe ka ifuẋi iavulu; ua kà bhana kaxtiku ku miji iala ni kutena, katé ni iii iala ku makanga, enhó anga jixibhata jâ a kà ji sula kiá matemu phala kudima, o mifula iâ a kà i bhanga jimvo; muiji umoxi ki ua kà leka dingi xibhata mu kubhânga jimvunda ni muiji ua mukuá, ka kà di longa dingi kúlua ita.

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Josuué 11:6

Jihova anga u ambela Josuué, uixi: Kana kukala ni uoma bhu pholo iâ; mbata mungu, bhu kumbi kala didi, ngʼa nemeka anga ngʼa bhakula kiua bhu pholo ia anʼa Izalaiele. Jikabalu jâ mu ji sènda o mixibha, o makalu mâ mu a oha mu túbhia.

Josuué 11:9

Josuué anga u a bhanga muene kala kia mu tumu Jihova: jikabalu jâ ua ji sende o mixibha, o makalu â ua oha mu túbhia.

I Samuuele 17:46

Lelu muene Jihova ua-nda ku kubhakula bhu lukuaku luami; ngi ku nemeka, ngi ku batula mútue; o imbi-phe ia kifuẋi kia akua Fidíxia ngi i bhana lelu ku jinjila ji bhita bhulu ni iama ia mukáu, phala mu ngongo ioso a kʼiji-ie kuma sai-ku Nzambi mua Izalaiele.

I Samuuele 2:4

Mifula ia mazonda i bukujuka, a kexile kiá mu ku di bhukajana-phe a a zuika ni nguzu iengi.