Jisálamu 45:17 - O Mikanda Ikola

¹⁷ Ngi bhangesa kuila, o dijina dié, di fumana ku miji ioso; mundu a kala jinga mu ku ku ximana ku mivu ni sé dizubhilu.

Jisálamu 45:17 ပူးပေါင်းရင်းမြစ်များ

Jisálamu 138:4

Jisobha joso mu ngongo ji ku ximana eie u Jihova, kuma o maka ma dikanu dié a mʼevu.

Mukumbi ua Mikumbi 6:9

Maji diembe diami, o phomba iami umoxi ngó; nzela diami umoxi ngó; mona umoxi a mu vuala ubhekèlele uê mu vumu dia mamʼâ, muene ngô a mu zola kiavulu kuala ió uoso ua mu vuala. Anʼa ilumba kia mu mona, a mu ila kuma ua zediua; ahetu a sobha ni ahetu bhu mbandu, kia mu mona, a mu ximana.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Izaía 61:9

O mbutu iâ a kà i mona, a kà ela ngó sui, exi: ienhiʼii o mbutu ia zediuisa kua Jihova.

Izaía 62:3

Ua-nda kukala-phe u kitundu kia ungana bhu lukuaku lua Jihova, u kala u kijinga kia uenexi bhu lukuaku lua Nzambi ié.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 26:13

Kidi kiene ngi mi ambela: Kuosokuoso kua kà tula Njimbu iíi Iambote mu ngongo ioso, ni kiki kia ngi bhange o muhatu iú a kà ki tanga phala dilembalelu diê.

I Kolindo 11:26

Mukonda kala kithangana ki mu dia o mbolo iii, ki mu nua o kopho iii, mua mu bhana o jingolokela ja kufua kua Ngana, katé hinu ki a kèza muène.