Jisálamu 45:13 - O Mikanda Ikola

¹³ Díbhanga, monʼa sobha, mu ku mu bhenga u benha; jithanga jê ja jinjikita, jʼòtunge ni ulu.

Jisálamu 45:13 ပူးပေါင်းရင်းမြစ်များ

I Jisobha 5:15

Solomá uakexile hanji ni makuinhi sambuadi a midi ia jíngamba ja kuambata o imbamba, ni makuinhi nake a midi ia muthu akexile mu kubula o matadi ku milundu.

Mukumbi ua Mikumbi 7:1

O inama ié ku uabha kuahi, ki uenda mu jisabhatu jé, eie monʼa kilumba, tata! Kioso ki uenda o kubunguta kua mbunda ié, mukuá ni makoladi a iudika kuala makuʼa mesene ia ufunu.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Luka 11:40

Ioua! Uoso ua bhange mbandu ia kanga, ki muène ue ua bhange o mbandu ia moxi?

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 2:29

Inda o Judé ia kidi, ió uala Judé moxi, iú uala ni muẋima uòsaie. O kikiphe kima ki bhanga o Nzumbi ia Nzambi; o Kitumu kiòsoneke ki ki tena ku ki bhanga. O muthu-phe u kala kiki, diximanu diê di tunda kua Nzambi, ki di tundu ku athu.

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.