Jisálamu 44:7 - O Mikanda Ikola

⁷ Maji ua tu bhana o muenhu, eie ua kaia o jinguma jetu; eie ua kuatesa jisonhi kua oso a tu zembe.

Jisálamu 44:7 ပူးပေါင်းရင်းမြစ်များ

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

Jisálamu 132:18

Nguma jê ngi ji zuika jisonhi ni kusebuka; o muene-phe kitundu kiê ki kala mu luendela.

Jisálamu 136:24

Ua tu kudila ku jinguma jetu ala ku tu kanena; kuma kulenduka kuê ki kuene kúbhua.

Jisálamu 140:7

U Jihova, Ngana iami, Mubhuludi, eie-muène ua ngi vungina o mútue mu kizuua kia ita.

Jisálamu 144:10

Eie-muène u bhana o uzonda ku jisobha; eie u kudila selevende ié Davidi ku mukuale ua kiluami.

Jisálamu 40:14

Enhó a kakuke, a diuane, sonhi ja a kuate muene, oso a bhindamena ku ngi seia o muenhu uami ni ku ngi jibha; a bhese lusolo Ngana, a kuatese jisonhi, oso a-lu sota ku ngi bhanga phulu.

Jisálamu 53:5

A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 11:6

Jihova anga u ambela Josuué, uixi: Kana kukala ni uoma bhu pholo iâ; mbata mungu, bhu kumbi kala didi, ngʼa nemeka anga ngʼa bhakula kiua bhu pholo ia anʼa Izalaiele. Jikabalu jâ mu ji sènda o mixibha, o makalu mâ mu a oha mu túbhia.

Afundixi 2:18

Jihova kia a zangelekela jinga afundixi, Jihova u kala ni mufundixi uoso uala-ku, u a kudila bhu lukuaku lua jinguma jâ, izúua ioso ia mufundixi muenhó; kuma Jihova u a kuatela henda mukonda dia kukema kuâ, mukonda hadi ia iá ala ku a bhikisa ni ku a zukutisa.

I Samuuele 17:47

O mundu uoso iú ua bhongoloka bhabha nda u ijiie ue kuila Jihova ka bhulula ni xibhata mba sosá, kuma o ita, ita iangene ia Jihova. Muene lelu ua-nda ku mi bhakula bhu maku metu.